Visitamos o estudo de gravación "Abrigueiro"

O mes de decembro é un mes máxico que quixemos empezar en Infantil con un proxecto ben bonito, cargado de emotividade e no que o pasamos xenial familias, profes e pequechas e pequechos.

Xa sabedes os máis veteranos que moi pretiño de aquí de Lugo, nas montañas do Courel, vive unha personaxe moi entrañable, de oficio carboeiro, que pola noite de Nadal baixa das montañas para percorrer toda Galicia visitando as casas dos nenos e nenas cando están durmidiños para apalparlles a barriguiña, ver se comeron ben e abondo, e deixarlles unha presiña de castañas e mais algún agasallo que el mesmo fai coas súas mans con elementos da natureza. Si, si!!! O APALPADOR!!!.

Pois ben, con David e Catuxa, os nosos profes de música, aprendemos unha cantiga que fala del e conta esta historia. Unha cantiga feita a partires dun poema de Xurxo Valcárcel  ao que David, coa súa zanfona lle compuxo unha música. E claro, cantámola tan ben e gustábanos tanto que acordamos facer algo máis con ela.
E aquí chegou Arturo, o papá de Aroa da clase dos tiburóns, que nos convidou ao seu estudo de gravación Abrigueiro para que puidesemos sentirnos como os artistas de verdade e....Gravar a música e as nosas voces nun disco. UAUEEEE!!! que grande idea.

E alá fomos no bus, ata a casa de Aroa, Carmen e Arturo a pasar o día. Acolléronnos marabillosamente e ademais da parte técnica da grabación, pasamos un día xenial en contacto coa natureza, xogando na casiña da árbore, nas randeiras, co balón, coa herba, coa terra......

Aquí vos deixamos algunhas das fotos dese gran día que pasamos en Friol nas que poderes ver o entorno privilexiado do que gozamos e o ben que o pasamos nos descansos. A parte musical e de estudo....non queremos amosárvola aínda....temos sorpresas.....de momento isto é todo.

Almorzando

Como non, logo do almorzo tocou un descanso ben merecido...

Xantar!!!: empanada e "Hot Dog"!!!

  

  E logo... máis xogo...

 

A xornada rematou con todos nós esgotados pero moi moi satisfeitos e satisfeitas polo gran traballo conseguido con moito esforzo e ilusión por parte de todos e todas. 

Sabemos que estades desexando ver máis... SEGUÍDENOS CON ATENCIÓN.....TRAERÁ O APALPADOR O AGASALLO AO BLOG??

Chegou o Nadal.

Chegou o inverno e con el o frío e....as festas de Nadal!!

Para rematar o trimestre estivemos a preparar as bolsiñas nas que levar os traballiños á casa. Como xa sabedes, gústanos facer todo con material de refugallo e poder así reducir resíduos. Nesta ocasión quixemos darlle unha segunda vida a esas camisetas xa algo velliñas que andan polos armarios das mamás e dos papás. Un pouco de tinte e imaxinación fan delas unhas bolsas do máis chulis.

 Tamén na mesma liña facemos cada ano un xoguete ou xogo sen necesidade de mercar nada.

Este ano os protagonistas foron os tubos de papel hixiénico. Con eles os nenos e nenas da clase dos caracois fixemos este xogo matemático no que se tratar de asociar cada grafía coa súa cantidade (de pauiños). Na clase dos dinosaurios  fixemos catalexos e prismáticos. Chulos, non si?  

Os últimos días do cole foron tamén moi especiais: o chocolate con churros, a elaboración de postais para meter por debaixo das portas dos compañeiros e compañeiras, os cantos de aguinaldo e como non.....A VISITA DO APALPADOR E OS REIS MAGOS DE ORIENTE!!! 

Adornos para a  árbore e postais

  

 Enchendo as barriguiñas para que o Apalpador mire como estamos de mantidos  

 Así...así esteades todo o ano.... dixo o Apalpabarrigas que veu no coche de liña dende as montañas do Courel como cada ano a visitarnos.

  

 As súas Maxestades....

Este fin de trimestre ademais foi un chisco máis especial pois como sabedes fixemos o espectáculo "Andando a Terra" con Uxía Senlle no escenario do Auditorio Gustavo Freire.

Os profesionais do audiovisual están a traballar a reo para que pronto poidamos ver as fotos e a gravación do espectáculo. 

Mentres tanto...que gocedes das vacacións e que teñades un bo Nadal e unha fantástica entrada do novo ano.

Biquiños!!!

Así foi o Nadal 2013, 2ª parte: O Apalpador

Como xa ven acontecendo hai uns anos, por estas datas do Nadal baixa das devesas do Courel un home que ten tantos anos xa...que ninguén sabe cantos ten. Un home de montaña, barrrigudo e con moita barba que viste zocos e boina para protexerse da neve silandeira e que trae na boca sempre unha cachimba para acordar que non debe de fumar. E por suposto, trae con el un fol cheíño de castañas para repartir entre os nenos e nenas de toda Galicia despois de apalparlles, con moito agarimo, as súas barriguiñas para ver se están mantidos.

Pois esta pesonaxe tan agarimosa e graciosa no seu falar, veu o Venres visitarnos ao cole. Charlamos un ratiño con el e pareceunos un home do máis gracioso que nos contou que na súa terra, O Courel, á neve  chámanlle a mosca branca.

Despois apalpounos as barriguiñas para preparar os seus agasallos feitos a man por el mesmo e traelos a noite antes de Nadal e deixalos agochados polos recunchos das nosas casas.....que ilusión!! teremos que buscalos e será como un xogo!

 

Gustounos moito compartir un anaquiño de mañá con el e despedímonos ata o vindeiro Nadal esperando que chegue a noite do Apalpadoiro na que temos que estar durmidos para que entre a vernos.

Bueno, antes de despedirnos tivemos que axudarlle a erguerse da cadeira xa que os seus....tantos anos!!! fan que non estea moi áxil.

E vós...estades emocionados??? Esta noite é a noite do Apalpador, así que xa sabedes, enchede as barriguiñas e deitádevos cedo para que cando o sol se levante atopedes castaniñas asadas nas mesiñas de noite e algún agasallo agochado pola casa!!!

Se queredes ler mási información sobre esta personaxe ademais do enlace que tendes na coluna da esquerda podedes visitar:

Wikipedia

Antón e o Apalpador

Galicia encantada

Video : a ver se sabedes onde fixo este  moderno video...

Cantada por Malvela

 

Feliz Noite e Feliz día de Nadal!!!!

E chegou o Apalpador!

            Como non podía ser menos, visitounos tamén o Apalpador, personaxe da cultura galega que como o ano pasado prometera na súa primeira visita ao cole, volveu este ano para ver se as nosas barriguiñas estaban ben mantidas. Podedes ver a visita do pasado curso aquí así como ampliar información sobre este entrañable home que vive nas montañas do Courel, as nosas montañas!!

 Pois este ano chegou nun momento tamén moi especial para nós: a Chocolatada. E claro!     as nosas barriguiñas desta volta si que estaban ben ben mantidas...mirade:

  E como todos os anos tamén dentro do proxecto de investigación do Nadal aprendimos a cantiga,  falamos sobre el e sobre o lugar onde vive e limos os contos que contan a súa historia:

 "O Apalpador vive nas devesas do  Courel desde hai tantos anos que ninguén sabe xa cantos ten......pasa o día a apañar madeira...aproveita para recoller castañas...pola noite de Nadal baixa a todas as casas...cunha morea de agasallos para repartir...con agarimo para non os espertar aloumiñalles as barriguiñas para ver se están mantidos....e bìsballes amodiño: Así, así esteades todo o ano!...e deixalles unha presa de castañas na mesa de noite...e os agasallos agochados pola casa...a atopalos!"

 Estes son algúns fragmentos do conto de Xoán G. publicado pola ed. Biblos "O Apalpador" que vos recomendamos ademais de outros moitos publicados ao redor da figura do Apalpabarriga.

Na coluna da esquerda do blogue tedes un enlace directo ao sitio web do Apalpador, e outros enlaces son:

Wikipedia
Vieiros da escola
LIbro Antón e o Apalpador
Galicia Encantada

E con música queremos despedir esta penúltima entradiña de Nadal...a última nestes días caerá.
Pois así, con Malvela nos despedimos do Apalpador ata o ano que vén esperando o regreso do noso amiguiño o Apalpador.

"Xa chegou o día grande 
día do noso señor
xa chegou o día grande
e virá o Apalpador"

Máxicas visitas

Claro que si! Non podían faltar as visitas das personaxes máxicas do Nadal. E este ano, por partida doble xa que non só apareceron polas aulas os Reis Magos de Oriente, senón que por primeira vez este ano pasou o Apalpador por aquí!!!!



Que ilusión nos fixo ver a este personaxe que os nenos e nenas de 3º EI levavamos tanto tempo coñecendo de oídas, dos contos, das cancións....e pensabamos que nunca ía chegar o día de velo en persoa....E así foi.
Mirade as nosas cariñas cando o vimos entrar pola porta da aula:



Apareceu no cole tal e como nos tiñan contando, tal e como o describían os libros e a información que sobre el recompilamos: a súa pucha na cabeza, os seus zocos para andar pola montaña e pola lama sen mollar os pes, o seu fol de coiro cheíño de castañas, e a súa cachimba na boca...apagada eh!!! .... contounos que xa non fuma pero que a leva na boca para acordar que non debe facelo.



E como di a historia, para que poida vir e apalpar as barriguiñas os nenos e as nenas teñen que estar durmidos e durmidas polo que .....a durmir nos puxemoooooossss!!!!




E o momento da despedida foi do máis emotivo, lanzámonos a darlle miles de apertas e chuchos...e ata lle cantamos a canción mentres marchaba polo corredor esperando que non esqueza volver o ano que vén.



Para os que aínda non sabedes quen é o apalapador recomendámosvos visitar o blog de meninheira que fixo unha xenial entrada onde recolleu moitos dos recursos sobre esta personaxe e unha cantiguiña intrepretada por unha das mellores voces masculinas da música galega actual, Xabier Díaz. Esperamos vos guste: Dalle un coliño. Tamén nós o ano pasado vos contamos algunhas cousiñas aquí.

E para rematar o día de visitas especiais, estiveron con nós as súas Maxestades. Este ano viñeron nunha furgoneta de Rebibir. Contarvos para os que sodes novos que cada ano veñen en medios de transporte moi diferentes e ás veces sorprendentes: en autobús antigo, en cabalo, en moto de traill, en traspaleta, en seiscentos, en remolque de tractor.. xa vedes que orixinais son. E todos os nenos e nenas do cole non só estamos cada Nadal intrigados por velos senón tamén por saber en que virán....que divertido!

Leron as cartas que lles entregamos coas nosas peticións:

Adiantáronnos os agasallos para as aulas:



e ata algún valente achegouse a recollelo sen dubidalo un segundo:




Pois con esta entrada rematamos a serie de entradas adicadas ao Nadal. Xa quedan só uns pouquiños días para a volta ás aulas e poder seguir vivindo aventuras tan emocionantes coma sempre.
Gozade destes días!!!!! Biquiños.

Nadal 2: barrigas mantidas para o Apalpabarrigas

Dende fai xa algúns anos, propoñémonos nestas datas colaborar con algún proxecto de cooperación e axuda ao desenvolvemento a través de diferentes ONGs naqueles lugares do mundo que máis o necesitan.

Este ano colaboramos con Unicef no proxecto "Alimentos para todos e todas", e fixemos postais con distintos alimentos para construír unha pirámide alimentaria. A Infantil xunto co primeiro ciclo de Primaria tocounos facer a base da pirámide e así fixemos as nosas postais con fariña, pasta e arroz.Por detrás da postal escibrimos os nosos desexos para os nenos e nenas que non teñen alimentos suficientes e a nosa esperanza de poder axudar.
Unha vez rematadas as postais colgámolas na pirámide que puxemos na entrada do cole e así ademais de expoñelas as nosas familias puidéronas adquirir facendo unha aportación ao proxecto. Finalmente, entre todos e todas conseguimos superar o reto de recadación que nos propuxemos con respecto a este proxecto.
Conseguimos pois que moitos nenos e nenas poidan ter a "barriguiña mantida como lle gusta ao Apalpador.

Recordade a cantiga que di:
"Se eres neno ou rapaciña
durante a noite cumprida
tocarache a barriguiña
e verá se está mantida"

Podedes ver como enfeitamos a entrada do cole coa nosa imaxe personalizada do Apalpador e coa pirámide de alimentos a modo de árbore de Nadal.

Apalpador

Chega o Nadal, queda xa moi pouco!!!!
Estamos a preparar moitas sorpresas para cando veñan as nosas familias a visitarnos ao cole, e ademais andamos a investigar sobre as diferentes tradicións nos diferentes lugares do mundo, e moi moi especialmente queremos seguir este ano a traballar ao redor da figura do Apalpador que o curso pasado descubrimos e ao que lle adicamos o noso canto de Nadal.


Imaxe de Leandro Lamas

E por que o Apalpador??? Pois gústanos porque vive aquí moi pretiño de nós, nas montañas de Lugo, porque agasalla cousiñas feitas por el mesmo, coas súas mans, sen necesidade de ir mercar nada, a partir das cousas que a natureza lle ofrece, e porque é un grande defensor da natureza que se preocupa polo benestar e saúde dos máis pequechos.
Esperamos que a vós vos guste tanto como a nós. Nestes enlaces podedes atopar información e recursos.

Vieiros da escola Libro Antón e o Apalpador
O Apalpador
Cantiga do apalpador
Galicia Encantada

Este ano os demais compañeiros e compañeiras de Primaria, Secundaria e Bacharelato tamén inciarán unha pequena investigación sobre este personaxe, e ademais utilizaremos a súa imaxe para a decoración do centro a ver se así o ano que vén se decide a visitarnos e nos agasalla con unha presiña de castañas quentiñas e quen sabe se algo máis.....