Coidando a Pipa e Estrellita

Queremos presentarvos a dúas novas compañeiras de aula........si, si, as nenas e nenos de 1º de EP temos dúas cobaias na aula!!.
Quixemos escoller  nome para elas mais primeiro tivemos que exploralas para saber se eran machos ou femias e poderlles poñer un nome a xeito. Despois de algunhas pesquisas e debate para poñernos de acordo entre tantas propostas ...acordamos que se chamarían  "Estrellita" e "Pipa".
Son un pouco tímidas, pero cada día que pasa nos coñecen un pouco máis e deixan que lle fagamos caricias e aloumiños.

O venres tocou sesión de limpeza do seu espazo e  poidemos bañalas. Claro que con taaaanto pelo tivemos que secarllo  co secador. Ao principio estaban un pouco asustadas, pero gozamos moito, elas e nós.

Agora iremos compartindo con elas máis momentos e poderemos ir observándoas e coñecendo un pouco máis a estes animaliños tan...suaves e peludos!! Xa vos iremos contando.

Unha cobaia na clase

Por fin chegou Pelusita!!.......que non sabedes quen é Pelusita?

 Pois a cobaia que temos na aula os nenos e nenas de 1º de EP. Trouxoa  un amigo do cole,  Mundo, para que a coidemo durante uns meses.

 Os primeiros días tivemos que falar moi baixiño e non a collemos para que se afixera e se sentira segura con nós. Hoxe, por primeira vez, atrevémonos a acariñala e collela no colo. Ao principio estaba un pouco nerviosa... ela e nós tamén!. Notabamos como lle latexaba o corazón mais ao pouco estaba tan contenta que non quería volver para a gaiola.

Os encargados de clase, Carlos e Alejandra, foron buscarlle á cociña  unhas follas de leituga e unha mazá e tamén repuxeron a auga.

Estabamos tan contentas e contentos que a nós tamén nos costou moito deixala para iniciar outra actividade.

Agora temos unha nova compañeira de aula á que coidar e atender....será toda unha aventura compartida!

Grazas a Mundo por compartir con nós a Pelusita.

Aprendemos con Carmen, a nai de Rafa

A semana pasada estivo en 2ºEI Carmen que, xunto con Rafa, nos fixeron pasar unha tarde moi divertida e entretida.

Primeiro faláronnos de distintos animais acuáticos, do que comen, como comen, como se moven na auga, como se comunican... e logo levamos á práctica cómo come unha balea azul, que, coas súas barbas deixa marchar a auga e os peixes quédanlle dentro da boca.

Tamén poidemos "sentir" as vibracións que emiten os golfiños para comunicarse na auga tan só empregando unha goma elástica e a manilla dunha porta. Esto gustounos moito porque, por un anaco, convertímonos en golfiños!


Pero Rafa e Carmen aínda nos tiñan unha derradeira sorpresa... todos os nenos e nenas tumbámonos no corredor de infantil e comprobamos que medíamos o mesmo que unha balea ao nacer!


Esta visita, como todas as que nos facedes, encantounos, porque gozamos moito co voso apoio, con todo o que nos contades e, sobre todo, coa vosa compaña. Así que, animádevos e sorprendédenos!