O bosque en Outono

Ola a todos e todas!
Despois da gran festa do Magosto  aínda nos quedaron ganas de seguir investigando sobre o outono e... que mellor maneira de facelo que sair ao monte a ver todas as marabillas que nos trae esta formosa estación.
Para esta saída contamos coa colaboración do papá de Jairo: Miguel que nos quixo amosar os bosques que hai na contorna da súa casa.

Comezamos o día moi nerviosos... íamos facer a primeira saída do curso e puxémonos mans á obra:

botas de auga... postas!
abrigos... postos!
.......................... pois xa estamos preparados e preparadas!

Subimos ao bus e entre cancións e risas... chegamos!

Foi Miguel quen nos recibiu e o primeiro sitio ao que  nos levaron el e Jairo foi un bosque cheeeo de carballos e castiñeiros que agocha, debaixo da terra, un castro aínda por descubrir. Alí atopamos un recuncho que semellaba máxico, repleto de follas e con pequenos tesouros agochados: castañas, cogumelos e até limacos (eses animaliños baballentos tan riquiños....que parecen caracois que perderan a súa cuncha) que atopamos sen problema porque somos uns graaandes investigadores e investigadoras... e tamén valentes exploradores e exploradoras que nos lanzamos a coronar os cumios que rodeaban o castro coma uns campións e campionas!

Ao longo de todo o paseo Miguel foinos explicando e amosando os nomes e características dos cogumelos que atopamos, e se algo nos quedou moi moi claro é que: NUNCA comades ou toquedes un cogumelo se non estades seguros de que clase é!

Logo de tanto paseo e emocións de súpeto comezamos a escoitar ruxidos... grrrrr noooon, non vos asustedes, eran os nosos estómagos que son moi puntuais e clamaban polo almorzo.

Desfixemos o camiño andado e fomos á casa de Jairo onde nos puxemos as botas con galletas con forma de castaña que fixo Selene, a mestra de inglés, e mmmm que ricas estaban (levaban chocolate!) e acompañámolas cuna batidos de chocolate e chocolatinas que o papá de Jairo nos trouxo!

Despois de repoñer forzas toca facer un pouco de exercicio....Imaxinades  o que se nos ocorreu??? Pois sí, fomos xogar no estupendo  xardín da casa de Jairo e pasámolo xenial!!!

Todo o que vos contamos aquí non reflicte realmente o ben que o pasamos, por iso pensamos que a mellor presentación é este vídeo que preparamos con moitísimo agarimo, agardamos que gocedes con el!

Que vos pareceu? Fermoso a que sí? Pois todo isto non sería posible sen a colaboración dos papás de Jairo, especialmente a de Miguel, que buscou un oco para colaborar con nós, dende aquí moitííísimas grazas por todo!

Seguide moi pendentes do blog porque deseguida teredes novas nosas! 

Biquiños mil da Clase dos Dragóns e dos Tiburóns!!!

Magosto 2015

Xa celebramos a tradicional festa do Magosto a semana pasada e foi...todo un éxito!!

Como ledes, o mércores pasado pola tarde os nenos, nenas e profes dende 1 EI ata 1º de BAC comemos castañas, bailamos, compartimos emocións e pasamos unha tardiña moi animada.

Pero non só a festiña estivo xenial senón tamén os preparativos. Nos diferentes grupos puxemos a funcionar a nosa creatividade recicladora.

En infantil reutilizamos botellas de auga que con un pouco de trapillo e algo de maña cosendo (si si cosemos!!) fixemos uns bolsiños do máis lindos para meter as castañas.

En 1º e 2º de Primaria reutilizamos cartón ondulado das embalaxes para facer uns conos con tapiña personalizados cos nosos debuxos moi pero que moi chulos.

 

E como gran colofón á festa que compartimos todos os nenos, nenas, rapaces, rapazas, mozos, mozas, mestres, mestras,... Vaia, todo Galén!!! Ata Robby nos acompañou mirade mirade:

Alí, no patio, logo de comer as castañas cantamos, bailamos, rimos e sobre todo pasamos unha tarde estupenda. A banda de músicos da Escola de Música Cantarela puxeron son ás cancións e bailes que estivemos preparando nas semanas previas: "A Carolina", "Ven bailar Carmiña", "O Sacristán de Coimbra", "O Valpaso... Que ben o pasamos!!!

Estadía de Outono 1º EP

Como xa sabedes os nenos e nenas de 1º EP hai uns días vivimos unhas xornadas do máis especiais participando na estadía de outono no cole xunto coa Aula da Natureza Trevia. Foron tres días e dúas noites de moitas emocións e moitos descubrimentos na natureza. Contámosvos como foi:

O primeiro día viñeron darnos a benvida a Becada e a Pita do Monte e contáronnos como  vivían nos montes de Galicia.

Antes de saír ao bosque recollemos alguhas castañas, que o magosto está á volta da esquina!

Xa estabamos preparadas e preparados para gozar  das experiencias que iamos vivir no bosque. 

Ollos e oídos ben abertos…...comeza o espectáculo!!

orellas de gato...

niños..

piñas picadas polo peto...

cráneo de cervo..

unha parella de vacaloura.. 

Pola tarde participamos nunha xincana. Canta enerxía posta na  busca de pistas e tratando de resolvelas!

Aínda nos quedaba un obradoiro de cociña con Ana e Alicia onde preparamos unhas madalenas deliciosas. E para rematar o día,  unha festa con fogueira e músicos.

festa!!

Hora de levantarse!!! hoxe é un novo día de aventuras!!! vestirse, almorzar e asearse para saír de viaxe cara Avifauna!!

Que ben durmimos!!

Cando chegamos a Avifauna agradábanos Jose que nos presentou aos habitantes do lugar: un casuario, cisnes de pescozo negro, faisáns, flamencos.... e unha cacatúa, que moito nos fixo rir!

Cantas aves!!

 E despois dunha mañá tan aproveitada necesitabamos un bo xantar. Ademais de repoñer forzas puidemos xogar moito en Penas de Rodas. Aquelas pedras deron moito moito xogo.

Empuxade forte, a ver se a tiramos!!

Unha, dúas, tres.. baixamos!

Fantástica!!

No obradoiro da tarde realizamos un círculo cromático con Ánxela e Conchi.

Bueno…quedarianos alguna cousa que contar….. no cole hai Trasnos!! pero non vos podemos contar nada porque é un segredo!! Se non o credes preguntádelle a Mar e Ana.

Xa non nos quedaba enerxía máis que para ver unha película….e a durmió!!

Iniciamos o último día, despois dun bo almorzo, e con todo o que aprendemos estes días estabamos preparadas e preparados para responder as preguntas que nos facían naquel libriño.  

 E saímos ao bosque de novo, esta vez para observar os animais máis pequenos que viven cerca de nós e que só podemos ver se agardamos   pacientemente a que saian das súas casas.

  

E rematamos a estadía!!! Pasámolo moi ben e gozamos moito, aínda que botamos de menos aos nenos que non puideron estar con nós e a Elia.

E vós familias….como o vivístedes??? Veña contádenos!!!!

O Outono en Navallos

O luns foi un día moi divertido e cheíño de sorpresas para a clase dos caracois e a clase dos dinosaurios!!

Foi a nosa primeira saída deste curso, e para algúns nenos e nenas a primeira viaxe no bus. Non sabedes que ben se ven as cousas dende aí arriba!!!!

Navallos é a aldea onde vive Lúa, da clase dos caracois e a súa familia. Cando chegamos,moi emocionados e emocionadas, estaban esperandonos Uxía, David e Ío con un montón de sorpresas para nós.

Antes de nada e para coller forzas almorzamos para ir a recoller os froitos do outono. Despois David levounos por prados e bosques marabillosos nos que atopamos moitas cousas... Xa vedes no video  que cogumelos máis grandes. Ademais recollimos mazás, noces, unhas flores que se chaman "quitamerendas" e a que non sabedes por que??. Nós si, preguntade preguntade.

Con todo eso nas nosas cestas voltamos á casa e coa axuda de David prendemos o forno de pedra que teñen na casa.....porque  iamos facer pan!!!!!  Menuda sorpresa!! Cada un de nós fixo o seu boliño e o metimos no forno!!! Probástelo  verdade?  Estaba boísimo....
Tamén fixemos unha empanada coas mazás que recolleramos  no paseo. MMMMMMMMMM... non sabedes o riquísima que estaba!! Foi a nosa sobremesa do xantar!!!

Antes de comer aínda nos agardaba unha cousa máis: saímos da casa de Lúa e fomos ata a casa da súa veciña Amparo que nos quería amosar un xatiño que nacera dous días antes,... Había moitos animais.... vacas, varios xatos, cabras, cans, galiñas,..... Cantas cousas que ver!!!!

E por fin chegou a hora de comer,.... tiñamos moita fame despois dunha mañá moi intensa e cando rematamos chegou a hora de xogar un pouco e de celebrar unha pequena festa. David e Uxía sacaron os seus instrumentos e tocaron un ratiño para nós. Pasámolo xenial!! Bailamos, cantamos,.....

E... chegou a hora de voltar ao cole!!! Estabamos moi cansos e cansas pero foi un día marabilloso no que gozamos moito da natureza nesta fermosísima estación do ano e da familia de Lúa.

Moitísimas grazas por todo Uxía e David  foi un día inesquecible!!!!!

E recordade que para nós son moi importantes as vosas colaboracións e que nos encanta compartir momentos especiais canda vós....
Así que.....FAMILIAS.... ide pensando que podedes vir facer con nós. Esperámosvos!!!

Bicos Mil.

Visítanos Iria, a mamá de Celtia

Hai uns días tivemos en Infantil e 1º Ciclo de Primaria unha visita moi especial:  veu Iria, a mamá de Celtia, a facer uns "Obradoiros do Outono" moi orixinais.

As Bolboretas, Arañas e Águias elaboramos o animal que dá nome ás nosas aulas coas follas que caen no outono e que, como comprobamos cada ano... quedan chulísimas en todas as nosas creacións.

  

 Pero iso non foi todo... ao día seguinte voltou Iria (e as súas compañeiras) para darlle outro uso ás follas e fixemos un fermoso marco de fotos (ou de debuxos) decorado con elementos naturais! A verdade é que nos quedou moi ben, non? 

Moitas grazas pola vosa visita, pasámolo xenial  e agardamos que tanto Iria coma as súas compañeiras o pasaran taaaan ben coma nós.

   

O bosque en Outono

O pasado venres, os nenos e nenas de  infantil visitamos o bosque que está preto da casa de Nicolás, da clase das Águias, na compaña de Gloria, a súa mamá, e as súas cadeliñas.

Foi ademais unha saída un tanto especial pois era a primeira vez que os nenos e nenas de 1º de infantil (a clase das bolboretas) saiamos de excursión e ... todos xuntos en autobús.Menuda experiencia!!!

En canto baixamos do bus estaba agradándonos Gloria con unha cestiña para recoller cousiñas polo bosque  e na compaña das catro agarimosas cadelliñas que nos acompañaron na camiñata polos arredores.

A compaña de Pipa, Lúa, Greta  fixo que  o paseo fose aínda máis divertido: gustábanos moito acariñalas, a súa compaña prestaba e nos chamou moito a atención Pipa, que se pasou toda a mañá escarabellando no chan en busca de ratiños, toupiñas e...quen sabe que outros bechiños que detectaba co seu potente olfato. Mirade, mirade na foto que furado fixo!! casi se mete enteira dentro!

Fixemos unha longa camiñata  con moita ilusión de descubrir os segredos da aldea e do bosque no outono. Os máis pequechos fixémolo xenial e andivemos lentiños pero seguros e...sen separarnos!! somos un grupo!

Adentrámonos no bosque e atopamos un montón de cogumelos, follas de carballo e algún que outro becho que nos chamou a atención.

Tamén descubrimos un prado cheíño de dentes de león que...claro está! nos puxemos a soplar para ver voar as súas sementes diminutas como se fosen pequenos paracaídas. 

 

Despois de tantas emocións e tanto exercicio precisabamos repoñer forzas, así que fomos a almorzar a casa de Nicolás e a xogar un ratiño no xardín da súa casa, onde vimos ás pitiñas e o agasallo que esa mañá deixara para os habitantes da casa. 

 De camiño de volta ao bus vimos un cabeceiro onde se gardaba o millo para que non o comeran os ratos.

  

Foi unha mañá moi completa. Pasámolo xenial. Grazas Gloria por compartir con nós este paseo e abrirnos as portas da vosa casa. É un gusto contar con familias tan colaboradoras.