Xornadas da Cultura I: Semana do Libro

O mes de maio é o Mes da Cultura no cole Galén con unha chea de actividades en todos os cursos:  poesía, teatro, música.... Pero ímosvos contando por partes, estade atentos ao blog!

SEMANA DO LIBRO
Os nenos e nenas de Infantil iniciamos as xornadas o día do libro, como xa é tradición, o pasado 23 de abril, cunha visita á Biblioteca Nodal de Lugo. Alí estaban a esperándonos  Conchita e Pepiño para contarnos como funciona unha biblioteca e coñecer un pouquiño os segredos que este lugar máxico agocha.

Pepiño contounos como escoller os libros mirando os pegotes de diferentes cores e debuxos que teñen no lombo e Conchita fíxolles entrega aos nenos e nenas da clase das Fadas do seu carné de primeiros lectores e lectoras, para que así poidan gozar do préstamo de libros, cds, revistas, pelis etc....

 Despois Conchita ensinounos como están as zonas divididas en función das idades e puidemos gozar da lectura de contos no espazo especialmente deseñado para os nenos e nenas coma nós.  

 Antes de marchar escollemos cada un un libro en préstamo co carné do cole para levalos ás aulas e podelos contar ao longo destes días. Na hora de conto puidemos ollalos e compartilos, lelos e escoitalos e viaxar así ao mundo da fantasía ao que a lectura nos transporta. 

 E como cada un de nós ten un ou varios libros favoritos na casa, quixemos traelos ao cole para compartir e ademais fixemos unha exposición con eles e cos marcapáxinas que en cada aula deseñamos. 

 Na clase das fadas fixemos uns marcapáxinas con material de refugallo, pintando con acuarela e adornando con flores feitas de restos de papel de parede! e quedaron moi moi chulos.

 Na clase dos leóns, como estabamos co proxecto da primavera, colgamos nun laciño varios bechiños e 

 floriñas do campo

.  

 E os nenos e nenas da clase das Sereas fixemos dous modelos: como estabamos co proxecto "Casas" fixemos unhas casiñas reutilizando tamén papel de parede e teas. E tamén fixemos estes orixinais "Comefollas"

.  

Tamén para esta ocasión especial contamos coa colaboración das familias. Desta vez foi Marta, a mamá de Isaac, a que quixo compartir con nós un ratiño de literatura da man de Juan Ramón Jimenez. Leunos algúns dos pedaciños da fermosa obra "Platero" e a nós entusiasmounos. Como dixo un de nós referíndose á poesía, aquí tamén as palabras parece que cantan. Grazas Marta por compartir con nós este momento de lectura.

 

Esta foi a primeira parte desta intensa actividade que nos traen as xornadas da cultura cada ano.

 En breve teredes a segunda parte....

Semana do Libro 2012

Co gallo da celebración do día do Libro o pasado 23 de Abril, os nenos e nenas de Educación Infantil celebramos a Semana do Libro con moitas actividades. Ao longo de toda a semana anterior cada un de nós escolleu na casa o que é o seu "Libro favorito e o levamos á aula para compartilo cos nosos compañeiros e compañeiras para cada día ler un deles.
 O martes visitamos a Biblioteca Nodal onde puidemos gozar dunha fantástica sesión de contacontos coas sempre xeniais contadoras Fátima e Marga.
Fátima contounos un conto que está alí na biblio titulado "Os dez parrulos" e coa axuda das estupendas ilustracións fomos facendo a viaxe do parruliño que se perde e vai atopando diferentes animais ao longo de mares e ríos


 E Marga contounos un conto sen libro peeeeeero con tesoiras. Si, si a través das tesoiras e dos papeis que recortaba fomos coñecendo ás personaxes do conto da meniña Mariña que quería ser ratiña.

 Despois estivemos na sala infantil de Lectura na compaña de Conchita a bibliotecaria, que como todos os anos nos ensina o funcionamento da Biblioteca e nos fai entrega dos nosos primeiros carnés de lectores e lectoras que facemos todos os anos para converternos en verdadeiros devoradores/as de libros


 Así que agora só vos queda a vós, maiores, acompañarnos con regularidade á biblioteca para facer uso dos seus fondos e viaxar a través dos libros aos máis fermosos mundos e vivir as máis apaixoantes das aventuras.

 E xa o xoves celebramos unha pequena festiña no noso corredor: a Festa do libro. E como en toda festa non podía faltar a......MÚSICA claro!!! Cantamos a canción do libro que aprendemos do disco Tic-Tac(moi moi recomendable de Pablo Díaz do que xa vos temos falado aquí no blog). E cantámola xunto con David que lle puxo a música coa súa inseparable zanfona....quedounos chulísima!!. Podedes ver a canción aquí

 E despois de cantar, os nenos e nenas de 2º e 3º EI quixeron compartir con todos e todas os seus libros viaxeiros aínd asen rematar xa que seguen a ir cada día ás casa dos nenos e nenas que xunto coas súas familias escreben a historia e lle dan o contido coa súa imaxinacióne escrita. u proxecto xenial que pretende desenvolver en todos nós a creatividade e gusto pola lectura e escritura.
 E compartimos os libros favoritos, e lemos, e bailamos......xa sabedes unha festa!!!

  Tamén fixemos uns marcapáxinas, cada aula co seu deseñño, que despois expuxemos no corredor xunto cos libros favoritos para compartilos con todos e todas. MIrade que chulos:
-1º Ei inspirouse nos peixes para elaborar o seu marcapáxinas con pauiños dos de mirar a gorxa, foam e purpurina.

-2º Ei, con retallos de papeis de empapelar paredes fixo estas fermosas composicións

-31 Ei combinou a acuarela coa tea que sobrou de tinguir as camisetas (lemv¡brades aló por inicio de curso....)en forma de trenzas.

Que ben o pasamos si señor!!!! Ata a próximaaaa.

Día do libro

O pasado 23 de abril foi o día do libro, e para conmemoralo os nenos e nenas de Infantil fomos á Biblioteca Nodal de Lugo. Esta actividade está enmarcada dentro do Plan Lector do Centro e ten como obxectivos fomentar o gusto e interese pola lectura e literatura, valorar e fomentar o uso dos recursos públicos da cidade e coñecer o funcionamento da biblioteca.

E para isto tivemos a sorte de contar con Conchita que, con un conto con pictogramas que nós podiamos tamén ler, fomos descubrindo segredos da biblioteca como.....Pepito!!! un poliño que vive na biblioteca e que polo día anda agochado observando aos nenos e nenas mentres len e que á noite sae para ler tamén el moitos contos e correr grandes aventuras.


Grazas a Pepito soubemos para que serven as etiquetas que levan os libros no lombo e despois puidemos gozar dunha mañá entre libros. Recollimos os nosos carnés de lectores e lectoras para poder ir cando queiramos e levar contos á casa e cada un de nós escolleu un título para levar ás aulas.