Onte, como sabedes, foi un día xenial. Pasámolo de marabilla e estabamos rendidos así que coller o sono foi fácil. Pasamos moi boa noite e esta mañá algúns de nós espertamos moi cedo polo que á hora que tiñamos previsto erguernos xa estabamos todas e todos preparados.
E a noite foi un pouco máxica porque...sabedes que??? Veu o ratiño Pérez a traerlle un agasallo a Carolina Q polo dente que lle caera. Ata aquí chegou o ratiño....pois é que é máxico claro!
Hoxe o día tamén promete. Pola mañá faremos dous obradoiros: un sobre o proceso da lá e outro chamado "historia dun ovo". E como o sol quenta dende ben cedo de seguro teremos tempo de piscina e xogos de auga.
Agora non podemos mandarvos fotos pero á noite contarémosvos como foi o día e enviaremos algunhas.
Seguimos en contato!!!!
BIQUIÑOS FAMILIAS
31 de mayo de 2012
30 de mayo de 2012
Kiriko2
Rematou xa o primeiro día e estamos a prepararnos para ir á cama. Quixemos aproveitar ata o último momento e aproveitando a boa temperatura quedamos a facer xogos nocturnos ata fai un cachiño.
E agora imos descansar despois dun día de grandes emocións.
Como estaba previsto fixemos o obradoiro de sons, gardamos aos cabalos e visitamos demais bicharía e aproveitamos o día caloroso para estar un bo rato na piscina.
E para mostra.....as fotos:
Estamos todos e todas moi contentos e gozando da vivencia de compartir cos nosos amiguiños e amiguiñas a convivencia diaria nun lugar que non é o habitual, nun entorno natural estupendo e coa compaña e apoio emocional das nosas profes.
Durmide tranquilos papis e mamis que nós estamos xenial. Mañá contarémosvos como nos foi a noite. Biquiños moitos!!!
Xa chegamos ao Kiriko
Esta mañá, despois de moitos nervos e emocións os nenos e nenas de 3ºEI e 1º EP marchamos cara á granxa escola "El Kiriko" para vivir a nosa primeira aventura de tres días fóra da casa. Toda unha aventura!!!
Agora mesmo son as 13:45 e acabamos de chegar ao Kiriko despois dunha viaxe tranquila e con descanso para un piscolabis.
Imos deixar as cousas nos cuartos e a xantar para coller forzas porque á tarde comezan as actividades.
Para hoxe teremos piscina, merenda, gardar aos animais e un obradoiro de sons.
Á noite teredes máis novas e ao mellor hai sorte e algunha fotiño tamén. Estade atentos/as!!
27 de mayo de 2012
Festa dos Maios 2012
Case a piques de rematar o mes de maio, o mes das flores e da chegada do bo tempo que nos fai sentir que si que estamos en primavera, celebramos a tradicional festa dos Maios dentro tame´nd as actividades das "Xornadas da cultura" que cada mes de Maio vimos celebrando. Coma sempre, entre todos os nenos e nenas de primaria construímos un maio cónico con xestas, fiúncho, fientos, laranxas e flores. Este ano en lugar de ovos quixemos darlle un aire diferente e adornámolo con decoración de papel e formas xeométricas que aportaron os nenos e nenas de 6º EP. Nós aportamos os ramiños de flores que coas nosas familias preparamos con flores silvestres e quedounos moi fermoso, xa vedes.
O venres pola tarde xuntámonos os nenos e nenas de Infantil e 1º ciclo de Primaria para festexar esta festiña tan nosa e da que tanto gozamos. E cantámoslle claro!!!
Os nenos e nenas de Primaria cantáronlle unha canción recollida en Carnota que tradicionalemnte cantaban as Maias (só nenas) vestidas de branco e enfeitadas con lazos e coroas de flores e que levaban uns arcos tamén floreados.
En infantil aprendemos un maio da Illa de Arousa que adaptamos un pouquiño á nosa realidade máis cercana cambiándolle a primeira frase. Aquí deixamos as copliñas para que cantedes con nós na casa:
A toda a xente de Lugo
cantamos de corazón
vinde ver o noso Maio
que fixemos para vós
O Maíño Maio
é moi pillabán
e quere que lle dean os cartos na man (bis)
Para facer este Maio
tivemos que ir a buscar
os fiunchos e as flores
á horta do Cantalán
Veu o Cantalán
cunha escoba vella
virounos o maio e dounos con ela (bis)
Ao longo de toda a semana estivemosa preparar a festa, investigando as súas orixes, as distintas maneiras de clebralo e recordando as cancións aprendidas outros anos. E por suposto preparando as coroas de flores que este ano foron de papel de seda e facendo unha reinterpretación do Maio para darlle cor ao noso corredor. E este ano quixemos facer unha interpretación picassiana do Maio e ademais quixemos colocalo dunha maenora un pocuo máis orixinal. Xa vedes na foto: bandas colgadas do teito con fllores cubistas feitas
con papel de xornal pintado.
E cada ano seguiremos recuperando a tradicióne reinventando e recreando a súa imaxe. Aquí podedes ver o que fixemos o curso pasado.
25 de mayo de 2012
"Cousas Bonitas"
A música galega segue sacando á luz aos artistas que
a coidan e miman e por iso viu a luz, o pasado martes 22 de maio, un disco agardado
e desexado. O proxecto recibirá o nome de "aCadaCanto" e estará cargado de
sentimento, paixón e boa música nas voces e mans de Guadi Galego, Xabier Díaz,
Guillermo Fernández e Xosé Lois Romero. Si vos apetece velos en directo
as primeiras datas que xa están marcadas no calendario son o 8 de Xuño no
Teatro Rosalía (A Coruña) e o 13 de Xuño no Teatro Principal de Santiago de
Compostela.
21 de mayo de 2012
Fomos a un Castelo!!!
O pasado mércores vivimos unha grande aventura!!!! estivemos nun Castelo de verdade, moi pretiño de aquí, en San Paio de Narla, Friol.
Recibíunos na entrada do castelo Paquita que nos contou a historia da Raíña, a Princesa e o Criado que vivían na fortaleza hai moitos moitos anos. E despois de poñernos en coñecemento do que alí pasara fomos visitando as diferentes estancias do castelo e.....tamén coñecimos a algunhas das personaxes que alí habitaban.
Nas cocheiras atopamos á raíña da historia dentro dun carruaxe coma os que sempre vemos nos libros de contos de princesas, príncipes, raíñas e cabaleiros. E contounos que o rei andaba por fóra cazando co seu cabalo. Vimos moitos lugares do castelo: a bodega, as cortes dos cabalos, as habitacións onde durmían e ata un berce onde durmía a princesa cando era bebé. Como xa era hora de almorzar, decidimos ir á cociña non sin antes coller cada un un pauíño para acender o lume e poder facer.....que iriamos facer??? Tiñamos unha sorpresa esperando. Sentada na lareira atopamos a unha bruxa moi pero que moi fea e...... bufffff....a algúns deunos algo de medo e non queriamos saber anda dela, pero ao final ata nos axudou a facer rosquillas.....
Si si, despois de acender o lume..... fixemos rosquillas coa fariña que saíu das sementes de trigo que estaban na bodega, o leite das cabras do castelo e os ovos que puxeron as galiñas e que tivemos qeu buscar por toda a cociña. E sabedes onde estaban? pois debaixo dos bancos da cociña onde se sentaban para comer que se chaman escanos. E con todos eses ingredientes fixemos as roscas que metimos no forno, que mentres seguiamos a visita se irían facendo para ao final podelas comer. E mentres esperabamos a que se cocesen, seguimos de rota polo castelo. E xa no salón sentámonos cada un nun lugar que correspondía ás diferentes personalidades que habitaban aquel lugar. O rei e o seu cabaleiro A raíña e princesas As damas da corte de parola no parladoiro E xa para rematar a visita subimos ao alto do castelo dende onde se ven as fermosas terras de Friol. Alí atopamos á outra personaxe do castelo: o cabaleiro. Xa vedes, pasámolo xenial aínda que con algo de suspense polo cammiño saímos encantados e queremos darlle as grazas a Paquita e a todo o persoal da Fortaleza por facernos estas visitas tan divertidas, porque esta é a maneira na que os nenos e nenas máis pequenos gozan realmente da historia, da cultura e do saber.
Recibíunos na entrada do castelo Paquita que nos contou a historia da Raíña, a Princesa e o Criado que vivían na fortaleza hai moitos moitos anos. E despois de poñernos en coñecemento do que alí pasara fomos visitando as diferentes estancias do castelo e.....tamén coñecimos a algunhas das personaxes que alí habitaban.
Nas cocheiras atopamos á raíña da historia dentro dun carruaxe coma os que sempre vemos nos libros de contos de princesas, príncipes, raíñas e cabaleiros. E contounos que o rei andaba por fóra cazando co seu cabalo. Vimos moitos lugares do castelo: a bodega, as cortes dos cabalos, as habitacións onde durmían e ata un berce onde durmía a princesa cando era bebé. Como xa era hora de almorzar, decidimos ir á cociña non sin antes coller cada un un pauíño para acender o lume e poder facer.....que iriamos facer??? Tiñamos unha sorpresa esperando. Sentada na lareira atopamos a unha bruxa moi pero que moi fea e...... bufffff....a algúns deunos algo de medo e non queriamos saber anda dela, pero ao final ata nos axudou a facer rosquillas.....
Si si, despois de acender o lume..... fixemos rosquillas coa fariña que saíu das sementes de trigo que estaban na bodega, o leite das cabras do castelo e os ovos que puxeron as galiñas e que tivemos qeu buscar por toda a cociña. E sabedes onde estaban? pois debaixo dos bancos da cociña onde se sentaban para comer que se chaman escanos. E con todos eses ingredientes fixemos as roscas que metimos no forno, que mentres seguiamos a visita se irían facendo para ao final podelas comer. E mentres esperabamos a que se cocesen, seguimos de rota polo castelo. E xa no salón sentámonos cada un nun lugar que correspondía ás diferentes personalidades que habitaban aquel lugar. O rei e o seu cabaleiro A raíña e princesas As damas da corte de parola no parladoiro E xa para rematar a visita subimos ao alto do castelo dende onde se ven as fermosas terras de Friol. Alí atopamos á outra personaxe do castelo: o cabaleiro. Xa vedes, pasámolo xenial aínda que con algo de suspense polo cammiño saímos encantados e queremos darlle as grazas a Paquita e a todo o persoal da Fortaleza por facernos estas visitas tan divertidas, porque esta é a maneira na que os nenos e nenas máis pequenos gozan realmente da historia, da cultura e do saber.
19 de mayo de 2012
Robby at Juan's home!
Patch at Esther's home!
Robby at Adrián's home!
Patch at Aldán's home!
Hai pouquiño, Patch estivo con Aldán e familia, amigos e uns preciosos gatiños. Pasaron o día xuntos e ademais de coñecer a algúns amigos de Aldán, tamén montou na súa bici e foi a ver a uns gatiños lindísimos. Pasouno en grande, e así mo dixo. Thank you Aldán and family!
Grazas por compartir as fotos con nós.
Por certo, se queredes un precioso gatiño, falade con Catuxa.
Robby at Laura's home!
Suscribirse a:
Entradas (Atom)