As familias van ao cole 1

Esta semana tocoulles o turno ás familias de 1º e 2º de Infantil, a Clase dos Dragóns, compartir coas profes unha tarde na que falaron de.....FALARON DE NÓS!!!

Como o oídes. Os papás e mamás do grupo teñen dúas citas ao longo do curso (en novembro xa iniciado o cole e avanzado o período de adaptación, e en Maio para contarnos como foi o curso) para poder compartir inquedanzas e coñecer de primeira man como estamos no cole, que facemos e como medramos e aprendemos no cole Galén.
Nesa reunión de maiores están as nosas profes, a coordinadora da etapa e a orientadora que está presente ao longo de toda a etapa nas reunións individuais de cada familia así como tamén nestas grupais.

En Galén a comunicación coas familias e a participación das mesmas é moi importante nesta tarefa compartida que é acompañar aos nosos pequechos na aventura de medrar e aprender. De aí que ademais do contacto día a día directo coa titora(as mamás e papás entran ata as aulas cada día a levarnos e recollernos) se establezan dúas reunións individuais(como mínimo) de cada familia coa titora e a orientadora  xunto coas dúas de grupo  para ademais favorecer o intercambio entre as familias do mesmo e falar da evolución do grupo como tal.

Pois ben, esta primeira reunión da clase dos Dragóns foi esta semana. Os obxectivos da mesma eran:

1.Valorar a evolución do periodo de adaptación.
2.Establecer contacto entre as familias do grupo
3.Crear un clima de colaboración familia-escola con propostas de actividades conxuntas
4.Informar ás familias da metodoloxía propia de Galén na etapa de Infantil
5 .Recoller posibles suxestións das familias

Os nenos e nenas, sabendo que os papás e mamás ían estar na nosa aula, quixemos facer todo o posible para que se sentisen tan a gusto coma nós e decidimos prepararlles un delicioso Biscoito con Mazás que tiñamos na aula do Proxecto de Outono que estamos a iniciar.....e polo que vimos que sobrou.....debia estar riquísimoooooo!!!

E non só nós tiñamos sorpresas.....Tamén as profes sorprenderon e deixaron emocionadas ás familias compartindo un video no que se nos ve como foi o período de adaptación, o día a día na aula, coas nosas rutinas e momentos característcos. E sobre todo puideron ver que xa nos sentimos moi  a gusto, cada día máis  seguros e autónomos e con ganas de facer moitas cousas novas cos nosos compis e as profes que nos acompañan día día.
Pero que mellor que velo para valoralo non??' Aquí tendes o video do noso período de adaptación. Disfrutádeo:

Grazas a todas ás familias por acompañarnos nunha tardiña chuviosa pero especial.

Primeiros días nas aulas de Infantil

Ola!!!!

xa  vos contou Roby un chisquiño como estamos por aquí, no cole.

A verdade é que está a ser unha semana de moitas emocións e moi moi intensas. Para moitas de nós o reencontro cos amiguiños e amiguiñas despois do...curto!! verán. Para outros empezar unha aventura nova, nun espazo novo, con novas profes  e con nenos e nenas novos tamén....vaia moooooitas novidades todas xuntas.

Aquí no vedes aos novos moradores deste xenial lugar chamado Galén.

E os xa un pouco máis expertos iniciando o noso novo papel,  dende un punto de vista diferente e tamén asimilando a modiño as novidades propias da aventura de medrar.

Os momentos máis sensibles do día para os nenos e nenas de 1º de EI son a despedida e o ratiño da sesta. O primeiro foi doado, nun tris collimos o truco. O segundo, o momento do descanso costa un chisquiño máis pero cos grandes e amorosos colos de Carmen e Catuxa xunto co cansanzo do día estamos a conseguir que se convirta pronto nun momento moooooi agradecido e levadeiro.

Mirade e xulgade vós mesmos.

Ademais o día a día a día está : xogo nas aulas, na carballeira e patio (cando o tempo o permite), o castelo hinchable, as visitas de David e Conchi e a compaña de Alicia están a facer cada día moi especial e que teñamos ganas de marchar pola tarde pero tamén de voltar ao día seguinte.

Seguiremos contandovos cousiñas.....estade  atentas/os!!

e por certo.....queredes contarnos como estades a levar vós este periodo de adaptación....como papás e mamás eh?? Animádevos no apartado de comentarios

Primeiras semanas!!

Xa levamos unha cantas semaniñas de cole e....estámolo a gozar moito moito.

O bo tempo acompañounos e puidemos gozar das zonas verdes, da carballeira, da area....e esto axudou moito a que ás novas incorporacións se nos pasase o tempo voando e que pouco a pouco se nos fixese máis agradable o tempo de cole. Así estamos a facer un período de adaptación do máis tranquilo.

Xa na primeira semana nos sentimos a gusto, tranquilos e confiados e.....durmimos a sesta dende o primeiro día moi a gustiño!!!

Tamén puidemos gozar do concerto de inicio de curso da Escola de Música Cantarela no que coñecimos aos profes dos diferentes instrumentos da escola.......e escoitamos cantar á mamá de Lúa claro!! que ilusión nos fixo!!

 Os nenos e nenas xa veteranos (jeje) chegamos con moitas moitas ganas de volver xogar cos compañeiros e compañeiras, con ilusión por comezar unha nova etapa e con, como non decilo, un pouco de nervios polas expectativas cara ás novas aulas.

Os nenos e nenas da clase das Águias iniciamos unha nova etapa, a Primaria, que traerá moitas novidades, rutinas e espazos como o patio que agora é compartido co resto de nenos e nenas de Primaria. Ademais contamos con novos compañeiros e compañeiras e isto está a facer aínda máis intenos se cabe este inicio de curso.

 E os maiores de 2º de Ep....xa somos todos uns expertos!! con ganas de volver ao cole a vivir novas aventuras estivemos estas semanas coas emocións a flor de pel e iniciando xa algúns proxectos moi interesantes....xa vos iremos contando!!

Xa vedes o ben que o estamos a pasar e agradamos vervos moito por aquí para despois poder falar con vós do vivido no cole Galén.

Avanzando no Período de Adaptación

Os nenos e nenas de 1º EI seguimos no noso tan intenso periodo de adaptación.  Os días seguen a ser intensos en emocións e experiencias novas e pouco a pouco imos integrando de forma máis tranquila as novidades, os diferentes porfes que conviven con nós e imos e integrando tamén as novas rutinas.

Nesto último avanzamos notablemente. A sesta e o comedor son cada día máis gratificantes e reconfortantes e somos moito máis autónomos e autónomas  nestes momentos. Mirade mirade que ben o facemos xa! (perdoade a calidade das fotos pero é que a oscuras....)


 E vós famillias...como levades este intenso periodo de adaptación??
Esperamos os vosos comentarios ao final desta entrada. ANIMÁDEVOS!! este espazo virtual se enriquece das vosas intervencións.

Un novo curso...novas experiencias!!!

Benvidos e benvidas de novo a este espazo común que inauguramos co inicio do novo curso!!!

Queremos  darlle a benvida, como cada ano, ás novas familias que inician xunto aos seus fillos e fillas unha nova etapa na que a escola se integra como parte importante do día a día. E será aquí, a través do blog, onde poderedes ir vendo o que acontece na aula e fóra dela. Gustarianos moito contar coa vosa participación a través dos comentarios que podedes facer debaixo de cada unha das entradas.

Propoñémosvos que cada semana visitedes o blog na compaña dos vosos fillos e fillas e así poidades comentar xuntos as diferentes actividades. É unha boa maneira de falar con eles sobre o cole e unha ferramenta para que vos conten como viven as diferentes experiencias escolares.

Vós podedes ser tamén os "escribintes" do que eles/as queren contar e reflectir nos comentarios. Veña animádevos!!! fagamos deste espazo virtual un lugar de encontro!!!

E para ir abrindo boca aquí vos deixamos algunhas fotos dos primeiros días. estade moi atentos e atentas que iremos mostrándovos imaxes do periodo de adaptación e o incio de novas rutinas como o comedor, a sesta, os momentos de xogo e aulas, etc...

Ola a todos os lectores e lectoras do blog!!!

os nenos e nenas de Infantil e 1º ciclo de Primaria empezamos o cole o pasado luns con algunha que outra novidade (para os máis pequechos eran todas novidades jeje) que fixo que a nosa volta á escola fose se cabe aínda máis emocionante.

Entusiasmounos o reencontro cos compañeiros e compañeiras, coas profes, cociñeiras....e con espazos como o patio e a carballeira con sorpresas como....

Area de praia no areeiro par poder xogar descalzos (mentres o tempo o permita)

 e un estanque na horta onde pouco a pouco irán facendo a súa casa moitos animaliños e prantas (de momento hai unha parella de libeliñas que cando sexamos quen de fotografar vos amosaremos).

Os nenos e nenas de 1º de EI estamos neses primeiros días de adapatación a todo o que para nós é novo. Aquí podedes vernos na aula.

 

Esto foi só un petisco!!! nestes días teredes moitas máis novas e fotos.

Esperamos os cosos comentarios!!!

Período de adaptación 1º EI

Aquí tedes as fotiños prometidas do ben que o estamos a facer na adaptación ao cole os nenos e nenas de 1º EI. Esta é a segunda semana de xornada completa e a verdade é que o estamos a levar moi ben. Os xogos na aula e no patio, a convivencia cos nenos e nenas máis grandes, o comedor e a sesta.


 Aquí podedes vernos!!
!
 E vós, familias como levades o período de adaptación?
 Estaría xenial se compartirades con nós a vosa vivencia. Veña animádevos aquí abaixo!

Así foron os nosos primeiros días de cole

Os nenos e nenas de 1º EI levamos xa dúas semanas de cole, e a experiencia está a ser moi intensa.
Os primeiros cinco días foron a primeira toma de contacto, só pola mañá. Coñecer novos espazos, novos iguais e adultos, novos xoguetes etc...en fin, unha chea de novidades que nos fan sentirnos ás veces inseguros, nervosos e afloran en nós sentimentos variados e incluso ás veces descoñecidos. Grazas á compaña constante de Carmen, a nosa titora, e Alicia a orientadora, xunto co resto de mestras e mestre do equipo de infantil que nos fixeron sentir un pouco mellor cos seus brazos, colos, apertas, xogos, bailes e cancións estes primeiros días de cole foron todo un reto que estamos a superar moi positivamente e estas novas experiencias e vivencias van a aportarnos moito de cara a vivir positivamente a experiencia escolar.

A segunda semana xa fixemos xornada completa, é dicir, quedamos a comer e a durmir a siesta momentos do máis especiais para nós como pequechos xa que para a maioría foi a primeira vez que o fixemos fóra da casa. E non o fixemos nada mal!!!

Para que estes primeiros momentos sexan vividos coa maior tranquilidade e gusto posibles as nosas profes teñen unha porgramación especial. É dicir, todo o que facemos ao longo do día encamñiñase a que levemos para a casa a sensación de telo pasado ben, de estar a gusto, de facer cousas especiais e sobre todo, de levar un bo sabor de boca e ir para a casa con ganas de voltar ao día seguinte...e pouco a pouco o imos conseguindo.
Aquí nos vedes en algúns destes momentos: que vos din as nosas caras?