Unha irmá música na aula!!

Tamén os nenos e nenas de 3º EI tivemos unha visita musical e moi moi especial!!! E desta volta foi a irmá de Manoel que veu a contarnos cousiñas sobre o violoncello e a deleitarnos con algunhas pezas.

 

 Descubriunos algúns segredos do seu instrumento, o nome das súas partes e cousas ben interesantes. Ademais tocounos dúas pezas e....o que estabamos desexando....ensinounos a tocar un chisquiño: postura, como coller o arco e onde frotar as cordas e tamén aprendemos unha palabra que nos encantou  "pizzicato", un xeito de tocar as cordas co dedo en lugar de frotalas co arco.

 

Grazas Carme por acompañarnos e facer desta tarde musical unha tarde ben emotiva.

Participamos na Semana da Ciencia

As nenas e nenos de 1º EP tamén participamos na Semana da ciencia cun traballo sobre o efecto invernadoiro. Investigamos a composición da atmósfera e os gases de efecto invernadoiro, tamén reflexionamos sobre as accións que realizabamos que deterioraban a atmosfera e polo tanto ao noso planeta. E, o máis importante, pensamos que cousas podiamos facer para conservar o planeta.
Para entender o efecto invernadoiro sobre os seres vivos realizamos un experimento con dúas plantas e unha caixa de plástico.

   

Anotamos a temperatura dentro e fóra da caixa cada dous minutos, durante 14 minutos. A inicial era de 20ºC nos dous casos. Mentres que fóra a temperatura non variou, dentro subiu ate os 29ºC.

O máis emocionante foi expoñer o noso traballo ás compañeiras e compañeiros do cole e escoitar as explicacións que nos daban eles.

 

 Moi interesante!!!

Uns clarinetes mooooi especiais!!!

Fai uns días na clase de música da clase dos Dragóns e da clase de 1º Ep tivemos a sorte de contar cun concerto didáctico en exclusiva.
Viñamos de investigar nas anteriores clases como son e como soan algúns instrumentos das diferentes familias: o piano, o violín, o contrabaixo, o xilófono, ... E para ensinarnos como funcionan os instrumentos de vento viñeron dous "grandes clarinetistas" , polo menos para Xabi e Antía seguro que son os máis grandes.
Nuria e José Luis ensináronnos as diferentes partes  e segredos do clarinete para logo tocar os grandes éxitos que todos e todas coñecen. Pasámolo xenial e aprendemos un montón sobre o clarinete!

Moitísimas grazas Nuria e José Luis!

Visita á Casa do Home

     

As nenas e nenos de 1º de E.P. fomos visitar a Casa do Home en A Coruña.O museo era moi grande, e había moitas cousas para ver e tamén para tocar. 

Empezamos por probar a nosa resistencia colgándonos dunha barra: un, dous, tres, catro....! 

e a nosa flexibilidade!!!

Que bolboretas tan bonitas, todas diferentes, grandes, pequenas, de distintas cores..

Tamén sentimos como se movía un bebé na barriga da súa mamá,  e ademais un video dun parto.

Comparámonos co home máis grande do mundo.......que baixiños somos!

Nos espellos estabamos moi raros, alargados... gordisimos...

De que lado estou tocando, da dereita ou da esquerda?

Despois pasamos a través dun corazón, que susto!

E, para que sirven todas estas ferramentas?,  coitelos de pan, de queixo, de carne...

Tamén probamos quen era capaz de concentrarse mellor con este artiluxio divertidisimo.

E ademais, tocamos, probamos, escoitamos, miramos....

E por último, fixemosnos unha foto cos nosos antepasados.

Pasámolo moi ben!!!

Nuria cóntanos moito sobre tartarugas

Ola a todos e todas!!!

Fai uns días estivo compartindo cos Dragóns un anaquiño a nai de Xabi, Nuria. 

Contounos un montón de cousas sobre as tartarugas:...como nacen, que comen, as súas partes,.... Descubrimos que hai moitas tartarugas diferentes e que hai tres tipos: de terra, de auga, e as mariñas. Estivemos moi atentos a todo o que Nuria dicia e gozamos moito de todo o  aprendido. Ensinounos diferentes tartarugas nunha presentación que puidemos ver no ordenador xigante.

O que máis nos gustou foi poder tocar e ver o caparazón e o peto dunha tartaruga boba e os esqueletes de outras dúas tartarugas máis pequerrechas. Puidemos ver os seus ósos e como son por dentro. Ademais Nuria trouxo unha tartaruga disecada que parecía que ía camiñar en calquer instante... Non sabedes o moito que gozamos de tantas cousas que poder ver e sentir coas nosas  propias mans.

 E para que seguiramos investigando deixounos moitas fotografías de tartarugas coas que estamos a facer un precioso mural que pronto veredes.

 

Cantas emocións e que ben o pasamos!!
 Moitas grazas Nuria por preparar tanto a túa colaboración e por pasar un ratiño con nós.

E aos demais papas e mamas...... xa sabedes esperámosvos para compartir xuntos calquer actividade porque o importante é compartir un anaquiño de día xuntos no cole. Agardámosvos

< https: dateposted-public="" in="" photos="" title="Dragóns e Nuria" www.flickr.com="">

Aniversarios Marzo

Felicidades Valeria!!!!

 

ROBBY AT XABI´S AND SARA´S HOUSE

Ola queridas familias,

despois de contarvos as aventuras do meu amigo Patch nas casas de Sara e Xabi, estou desexando contarvos as que eu vivín con estos dous super dragóns!

Primeiro fun con Xabi a visitar á súa familia e o seu fogar. Cando os dragóns colleron os abrigos e se prepararon para ir á casa, Xabi colleu a miña caixiña e levoume con moito coidadiño ata a súa casa. Recordo moi ben o emocionado e contento que me sentía xa que o meu amigo Patch contarame todo o que fixeran xuntos na súa visita e eu xa non podía agardar nin un minuto máis...
Xa no coche fomos xogando todo o camiño e,  ao chegar á casa, xa un pouquichiño tarde, puxemos os pixamas e xogamos moitísimo a cousas super chulas!

Alí, eu tamén coñecin a moitísimos amigos novos cos que estivemos xogando ata altas horas da noite! Tan tarde era, que Antía e Nuria, a irmá e a mamá de Xabi xa durmían profundamente ó noso carón. Nós, tratando de non facer moito ruido para non despertalas, continuamos xogando ate que quedamos durmidiños!

Thank you Xabi por tantos xogos, caricias e momentos tan divertidos :)

Esa mesma semana, Sara levoume á súa casa. Outra vez me sentía tan emocionado...o meu amigo Patch xa me contara que foran xuntos de pesca e que leran un conto xuntos á noite!
Sempre que me conta as aventuras que vive cos dragóns póñome tan nervioso e contento que parece que nunca chega a hora de ir con eles!
Pois ben, ao chegar á casa de Sara, e despois dun duro día de traballo, xogo, risas e aprendizaxes decidimos relaxarnos un anaquiño descansando no sofá á vez que escoitabamos música! Unha das miñas cancións favoritas ademáis! "Hello Robby"! Como os dous a sabiamos, cantamos xuntos unha e outra vez.

Cando xa estabamos case sen voz de tanto cantar, xogamos un pouquiño e fómonos preparar para ir á cama. Sara tiña unha super sorpresa para min! Xa falaramos de ler un conto antes de durmir pero...a que non sabedes cal elixiu para min? Cando o vin case non podía crelo! Unha historia de Maisy! Sii, a miña amiga Maisy! Foi xenial coñecer da man de Maisy e coa compaña de Sara todos os nomes de animais que alí aparecían!

Ao rematar o conto, quedamos durmidos e descansamos moito para estar listos para todo o que nos esperaba no vindeiro día.

Thanks Sara por elexir ese conto para min e coidarme tan tan ben :)

Moitas gracias a os dous por ensinarme os vosos fogares e tamén e a todos e todas os que nos ledes! Espero podervos contar moitas máis aventuras próximamente.

See you soon :)

PATCH AT SARA´S AND XABI´S HOUSE

Hi everyone!

Estamos xa de volta destas pequenas vacacións e chegamos ao cole cheos de enerxías para aprender moitísimo cos e dos nenos e nenas de Galén.

O meu amigo peludo máis eu escribímosvos de novo para contarvos as aventuras que dous Dragóns viviron en familia con Patch nos seus fogares.

Primero, Patch visitou a Sara e á súa familia. Nada máis sair do cole, foron á casa de Sara para facer miles de cousas super chulas! Alí, comeron unha merenda super rica, a merenda favorita de Patch: un musliño de pito! Ao que Sara acompañou cun delicious iogur. E, tras a merenda, foron ao baño onde Sara axudou a Patch a lavar os dentes asegurándose de que quedasen ben branquiños!!

Despois de tanto esforzo, precisaban un pouquichiño de relax. E que mellor para relaxarse que a pesca! Unha vez que prepararon todo o equipo de cañas, sedais e anzós...colocaron o cebo e os peixes non pararon de picar nun bo anaco!

Logo dun anaco, cando xa pescaran todos os peixes, puxeron o pixama e preparáronse para ter uns doces soños pero...como non!! Non sen antes ler unha historia! E contar algún que outro segrediño...

Thank you so much Sara por coidar tan ben ao meu peludo amigo e compartir o teu día, fogar e familia con el :)

Patch tamén foi a visitar o fogar de Xabi e da súa familia.

Cando o cole rematou, e despois de despedirse da profe Carmen, Xabi e o meu peludiño amigo preparáronse para ir á casa a descansar un cachiño...pero tamén para xogar a cousas super super divertidas!
Antes de subir ao coche, rumbo á casa, pararon na entrada do cole para sacar unha foto e amosar o contentos que se atopaban por estaren xuntos e polas miles de aventuras chulísimas que tiñan planeadas!

Xa na casa, Patch fixo novos amigos xa que Xabi lle presentou a dous fermosos ratiños e a unha gatiña moi fedella e divertida! Alí todos xuntos, tamén con Antía por suposto, xogaron ata non poder máis! Asi que despois, todos xuntos e cansadiños, foron tomar a cea e deitarse para durmir e soñar cos anxiños.

Thanks Xabi por adicarlle o teu día ao meu peludo amigo e presentarlle a todos eses amiguiños tan divertidos! Moitas gracias aos dous!

Seguimos en contacto para vos contar todas as nosas aventuras coas nenas e nenos da clase dos dragóns. See you soon :)

Primeiras visitas ao comedor

Ola!!
Os papás e mamás xa comezaron a visitarnos no comedor, desta volta os primeiros invitados foron Andrea e David, os papás de Valeria .

Foi un día xenial para nós, pasámolo xenial e eles tamén gozaron das nosa compaña e das nosas historias. Xantamos xenial e a comida estaba moi rica.... 

¿¿ Queredes ver o ben que o pasaron??

Xa sabedes que estades todos e todas convidados a vir comer un día con nós, animádevos e recordade que no último trimestre temos un montón de sorpresas e que a partir de mediados de maio faisenos moi complicado que poidades vir, así que xa sabedes escollede un día e..... esperámosvos!!!

 Ata entón...... mil bicos

8 de Marzo, Día da Muller

Como xa sabedes nesta data traballamos no cole ao redor da figura das Mulleres, identificamos que mulleres son para nós importantes e falamos do por que desta celebración especial. En cada un dos grupos abordamos o tema de formas diferentes en función dos nosos intereses e o que xa sabiamos. mirade, mirade:

Na aula de 1º e 2º de Infantil falamos das mulleres máis importantes para nós, sen dúbida as nosas mamás e reflexionamos ao redor do que supón ser neno ou nena, home ou muller e sobre todo acordamos que cada un de nós podía decidir que quería facer ou a que quere xogar libremente, que non hai xogos de nenos e de nenas e que cada quen decida por si mesmo o que quere ou non quere ser.

E así representamos ás nosas Mulleres importantes: Mamás!!!

Na clase de 3º EI xa tiñamos moi claro que cada un de nós podía decidir a que xogar independentemente do seu xénero e comezamos a falar de cando fosemos grandes que quixeramos ser, e falamos doutros momentos da historia e outras culturas actuais nas que as nenas ou as mulleres só polo feito de selo non poden decidir, ou non poden participar igual que os homes en decisións importantes da súa propia vida. Pareceunos incrible.

E falando de profesións e habilidades pareceunos na asemblea que as chicas non podían pilotar motos, que ese era un deporte de homes e.....que sorprendidos/as  quedamos ao coñecer á piloto do Dakar Laia Sanz!!! Desmontounos as nosas ideas claro!!!

Ademais destes debates e reflexións, falamos das mulleres que temos máis preto de nós día a día: As nosas mamás e acordamos que elas poderían ser "Superheroínas" coa chea de superpoderes que identificamos que teñen....entre outros:

-O Poder da caricia e dos bicos

-O poder de adiviñar o que nos pasa sen contarllo

-O poder das apertas e de curarnos (corpo e corazón) e facer que nos sintamos moito mellor

-O poder da rapidez, de chegar a todas partes e facer mooooitas cousas en pouco tempo

-O poder de cociñar

-O poder de arreglalo tooooodooooo

-O poder da Forza

-e......moitos outros que podedes ler nas tarxetas que acompañan ás nosas Supermulleres en plastillina...con capa e todo!!!

En 1ºEp as nenas e nenos acordamos escribir sobre as nosas nais, as que para nós son agora mesmo as mulleres máis importantes. Falamos moito sobre elas, compartimos cos compañeiors e compañeiras sentimentos moi lindos e palabras fermosas e finalmente escribimos aquelas cousas máis destacadas e adicámoslle uns lindos debuxos.

Os nenos e nenas de 2º de Ep limos o conto de "Arturo e Clementina", analizamos o importante de sentirnos valorados, queridos e importantes. Tamén do dereito a decidir o que queremos ser e facer independentemente do noso xénero e ademais inventamos un novo final para ese conto tan especial.

Aqui vos ensinamos a nosa reconstrución do conto e se queredes lelo con maior detalle podedes vir ao corcho do corredor e gozar das ilustraciñons e da nosa creatividade para cambiar a historia.

 

 Foi unha semana de reflexión e traballo....que vos parece????