Día de Rosalía

Hoxe celebraría Rosalía de Castro o seu 179 aniversario.

E nós queremos facerlle dende aquí a nosa homenaxe recordando un traballiño que fixemos os nenos e nenas de Infantil no 2013.
Aquí podedes ver a entrada daquel momento, e este é o video.
Un proxecto ben bonito para unha artista de todos os  tempos!

Xornadas da cultura III: ábrese o telón!!

Como xa vos contamos aquí, e aquí, o mes de Maio todo o cole o adicamos á homenaxe da cultura en todas as súas manifestacións.

Os nenos e nenas de 1º e 2º de Primaria fixemos os nosos proxectos centrándonos no teatro e na poesía, mirade mirade:

Os nenos e nenas de 1º de E.P. rematamos a Semana da Cultura representando dúas obras de teatro: "A tartaruga que quería durmir" e "El pato con botas". 

Todo comezou lendo estes libros, gustáronnos tanto que pensamos que se podían converter en teatro. Decidimos quen eran as personaxes e que decía cada un deles, se iamos necesitar un narrador, ou narradora para que fora contando a historia e tamén miramos que obxectos necesitabamos para as obras. 

Unha vez decidido isto, mans á obra. 

Memorizamos o texto e ensiamos os xestos, o ton de voz que tiñamos que poñer, onde tiñamos que situarnos. Ensaiamos moitooooo! Cando xa estabamos preparados e preparadas pensamos que estaría ben facer unha invitación para as mamás e papás e tamén un resumo para que souberan de que trataban as obras e quen eran as distintas personaxes. 

Chegou o día!

 "El Pato con botas"

     "A tartaruga que quería durmir"

 

Os nenos e nenas de 2º de Primaria preparamos un recital poético coas nosas primeira creacións poéticas. Pasámolo moi ben e cremos que non só gozamos nós senón tamén todos/as os que nos acompañastes

Como o fixemos? pois con moito traballo para que todiño saíse ben. 

Primeiro lemos un montón de poesías. Analizamos a súa linguaxe, os sentimentos, os recursos estilísticos... "La canción del pirata" foi unha das nosas preferidas. Comprobamos tamén as diferencias entre prosa e poesía e "lanzámonos" á busca de palabriñas máxicas, especiais, bonitas,... no diccionario. 

Unímolas a adxectivos e fixemos comparacións. Logo, coma se fose un crebacabezas, encaixámolo todo para que rimase e... o resultado foi xenial!!  E quixémolo compartir coas nosas familias e compañeiros e compañeiras nun emotivo acto literario.

 

Xornadas da cultura II: homenaxe a Rosalía.

Esta é a particular homenaxe que os nenos e nenas de Infantil quixemos facer a Rosalía de Castro no 150 aniversario da publicación de Cantares Gallegos.

 Nas aulas traballamos o poema por estrofiñas, aprendémolo, recitámolo e quixemos facelo máis visual axudándonos coma sempre de materiais de refugallo.
Falamos de Rosalía como unha muller adiantada ao seu tempo e fixemos esta composición plástica inspirándonos en Andy Warhol.
 Despois gravamos o poema no estudo de gravación do cole e contamos coa colaboración como técnico de son do noso compañeiro Donar Rivas de 3º ESO.Grazas Donar!!!

 Este video é o resultado de todo o noso traballo en colaboración grandes e pequenos. A música que completa a presentación é unha peza incluída no traballo "Nordestinas" (Guadi Galego, Ugia Pedreira e Abe Rábade), moi moi recomendable para escoitar na casa...non o dubidedes!

Visita de Samuel

Ola! Antes de Semana Santa en Galén recibimos unha visita que nos emocionou moitísimo, Samuel e a súa familia: Isabel, Xabel e Álvaro! Foi un día estupendo!
Comezamos coa celebración do cumple de Samuel, que trouxo tortas exquisitas que compartimos con moito gusto. Aquí vos deixamos algunha foto que amosa o contentos que nos puxemos!

Ao longo do día fixemos as rutinas como darlle de comer a Sirenita (a nosa tartaruga) que o fixo Samu porque lle facía moita ilusión. Pola tarde tivemos "Saca a Lingua" e pasámolo xenial xogando e falando galego (xa sabedes que o de aprender divertíndonos se nos dá moi moi ben). E a verdade é que foi perfecto que a visita de Samuel coincidise con este obradoiro  porque un paxariño nos contou que bota moito en falta que   lle falen na nosa lingua.

Queremos tamén dende aquí darlles as grazas a Samuel, Isabel, Xabel e Álvaro polo esforzo que fixeron ao vir dende Verín a vernos. Sabedes que nos encanta que nos veñades ver, e estamos cheos de optimismo e ledicia porque sabemos que é a primeira de moitas visitas!
 Grazas de corazón porque foi fermoso estar todos xuntos de novo e... por suposto, seguiremos en contacto!

Saca a Lingua 2013

Vaia se a sacamos!! E tamén as nosas mellores dotes escénicas. 

Por suposto, contamos cun público entregado e con moitas ganas de aplaudir.

As actrices e actores de 1º E.P representamos, á nosa maneira, "O casamento da pulga e o piollo". 

As nenas e nenos de 2º E.P. contamos o conto titulado "Manu"

Antes de saír á escena estabamos un pouco nerviosas e nerviosos

Amosámosvos un pouco da nosa actuación

Se recordades o obradoiro que demos en chamar o curso pasado como Saca a Lingua é un proxecto internivelar no que participamos os nenos e nenas dende 1º de EI ata 2º de EP e ten como obxectivo aumentar a nosa competencia lingüística en Galego ao tempo que o pasamos moi moi ben pois o enfoque é totalmente lúdico e no que nós somos as verdadeiras protagonistas.

O ano pasado fixemos un programa de radio e para este curso temos pensadas actividades moi variadas que inclúen todas amosalas aos nosos compañeiros e compañeiras tal e como fixemos esta primeira escea...ou quen sabe, quizais haxa sorpresa!!
 Se queredes lembrar o que fixemos no proxecto de Saca a Lingua o curso pasado pinchade aquí.

E seguimos co obradoiro todo o trimestre que queda de curso e ...xa vos iremos amosando!!

Recitando a Celso Emilio Ferreiro

                       Aínda que este foi un proxecto do curso pasado non queriamos que quedase sen ensinarvos o resultado final e contarvos un pouco o proxecto. Non o puidemos subir antes por porblemas técnicos e agora que xa dominamos o tema queriamos compartilo con todos e todas vós.

 O proxecto desenvolvémolo ao longo da Semana da Cultura (que en realidade foi case un mes) no mes de maio. Nestes días achegámonos ao mundo da poesía e, como non,  tamén aos poemas e poetas Galegos. Así que decidimos participar no proxecto de Radio Lugo Cadena Ser "Mil voces para Celso Emilio" co gallo do centenario do nacemento do Poeta. Podedes ampliar informacióm aquí

E puxémonos mans á obra no proxecto. Limos algúns poemas do autor, falamos do que é un poema, como soan as palabras, que queren dicir, o complexo da linguaxe ás veces, do que podiamos imaxinar lendoos......e escollemos un sinxelo para traballar entre os tres grupos de Infantil.
 Decidímonos polo poema "Canción" porque nos parecía máis cercano, falaba de cousas que podiamos sentir máis preto e porque o propio ritmo do poema nos chamaba a repetilo e memorizalo.
O primeiro paso foi facelo un pouco mais visual, escollendo imaxes que representaran as palabras e que fose así un chisco máis doadol lelo e recordalo e fixemos un mural para expoñer no corredor e compartilo cos demais.

Para os maiores que "no sabedes ler coma nós" deixámosvos aquí o poema:
"CANCIÓN"
 O vello cantaba
 unha lembranza
O mozo cantaba
unha esperanza
 O neno cantaba
 unha loubanza
 Povo meu, pois que cantas, érguete e anda.
                                   Celso Emilio Ferreiro.

 O seguinte paso foi gravalo para podelo enviar á radio e...... David montou na aula un pequeno estudo de gravación con micrófono e todo!!! E moitos cables, e aparatos, ordenadores......e o mellor de todo: puidémonos escoitar a nós mesmos. Despois de algunhas probas de son e de experimentos varios co aparataxe, fixemos a nosa gravación entre os tres grupos que quedou así de ben:

Os nenos e nenas de 1º e 2º de Primaria tamén participaron no proxecto con un poema musicado e cantado entre todos e todas coa colaboración de Uxía, a profe de música de primaria e Andrea, a profe de guitarra de Cantarela. De seguido deixámosvos a súa versión.

Saca a Lingua!!!

Este é o título do Obradoiro que tivemos ao longo do curso os nenos e nenas de Infantil e primeiro ciclo de primaria no que a partir dos contos, cancións e diferenets tipos de texto fomos aumentando a nosa competencia lingüística en Galego.

Pero despois do  primeiro  trimestre e vendo a cantidade de cousas que se nos ocorrían e o ben que o faciamos, decidimos preparar un programa de radio. E...puxémonos mans á obra.

O primeiro paso foi investigar ao redor deste medio de comunicación ao que a moitos de nós nos parece un tanto máxico pois aínda non entendemos moi ben como a xente que nela fala fai para chegar ás nosas casas, onde fan o programa, de que se fala na radio, que contidos hai etc.......
Así que entre todos e todas decidimos contidos,  repartimos traballo, fixemos a  escaleta, elaboramos os textos, memorizámolos e démoslles forma para finalmente grabar no estudio do cole este programa de radio que agora queremos compartir con vós.
Aquí o tedes e esperamos que vos guste porque para nós foi un traballo longo e duro pero que mereceu moito a pena.

Semana da cultura

Queremos compartir con vós algunhas das cousiñas que fixemos na Semana da Cultura, que co gallo do Día das Letras Galegas todos os anos celebramos en todas as aulas do centro.
En infantil limos e creamos poemas, fomos a un contacontos e preparamos a festa dos Maios.

Os nenos e nenas da clase das Landras escollemos a poesía de Uxío Novoneyra xa que nelas puidemos ver elementos da natureza que coñecemos ben e que son cercanos á nosa experiencia cotiá: a choiva, as fontes, os paxaros ....Especial atención adicamos ao poema que vedes na foto, a través do cal traballamos un montón de cousas:
memorizamos o poema, experimentamos coa sonoridade das palabras, como sonan, cales se parecen, que letras recoñecemos nelas, a que outras palabras coñecidas se parecen....e fixemos con material de refugallo unha fonte que sae dunha pedra da montaña. Así de chula nos quedou:

Ás estrelas encantounos a poesía de Antonio García Teijeiro "O rato e maila lúa" porque nos fixo gracia que o rato se namorase da lúa e ao mesmo tempo tamén nos pareceu bonita xa que nos amosa que podemos querer a alguén moi distinto a nós. Traballamos tanto a temática do poema coma a súa composición e así descubrimos que o poema se dividía en tres partes e tamén aprendimos a rimar lúa con rúa, rir con durmir... Logo disto preguntámonos se todas a vogais poden levar til, e grazas ao poema chegamos á conclusión de que sí. Coa elaboración deste mural repasamos as letras que coñecemos, descubrimos o nome doutras e pronunciámolas, atopándolles semellanzas con nomes que xa coñeciamos. A continuación podedes ver a nosa obra de arte, agardamos que vos guste tanto coma a nós.


AS MEDUSAS traballamos o poema do autor ferrolá Antón Cortizas chamado Un home de Lugo. Antón Cortizas obtivo  o premio Merlín en 2001 e en tres  ocasións o premio O barco de vapor. Este poema fala de amor, de finais felices, cun final un pouco inesperado pero frecuente para as persoas que se adican exclusivamente aos demais.  Nós xa sabemos escribir e puidemos, ademais de ler e memorizar o poema, escribir os versos e representar de xeito autónomo o que nos suxiren.  A poesía sempre nos fai soñar e crear imaxes que os libros ilustrados nos dan feitas.



O xoves fomos a un contacontos ás Termas e contáronnos tres contos divertidos e emocionantes. Nun deles a contacontos, con recortes de xornais foinos facendo as personaxes que formaban parte do conto: unha ratiña, un sol, unha nena... Logo seguimos coa historia dun porquiño moi listo ao que todos querían comer pero que sempre se saía coa súa e ate lle daban masaxes! E para rematar non só nos contou un conto senón que nos fixo partícipes del transformámonos por un anaco en princesas, reis e outras personaxes curiosas e fascinantes que nos fixeron sentir coma os actores e actrices por un día.




E como fin de festa celebramos, como todos os anos, a festa dos Maios xunto cos rapaces e rapazas de Primaria e primeiro ciclo de Secundaria.
Entre todos e todas construímos o Maio cónico: uns recolleron e colocaron xestas, outros ovos e laranxas, outros fientos e fiuncho e nós recollemos flores dos arredores e fixemos ramiños para enfeitar o nosos maio que quedou así de ben.



Toda a semana estivo adicada aos Maios: falamos da tradición popular, do significado, das músicas e cancións, dos adornos e traxes....
Preparamos as coroas de flores, desta volta fixemos unha pequena recreación das mesmas; con plastilina de cores e papel de seda fixemos estas flores tan orixinais... a que parece que son de comer!!!


E inspirándonos nunha obra de Andy Warhol fixemos este fermoso maio cónico para enfeitar o noso corredor e aportando así a parte máis actual á nosa tradicional festa.



Aprendemos a canción do Maio de Mondoñedo e o Venres cantámola acompañándonos de claves e cun pequeno baile ao redor de dous maios humanos, emplazámolo para que volvese o maio para o ano que vén e poder pasalo de novo así de ben!!!