Unha irmá música na aula!!

Tamén os nenos e nenas de 3º EI tivemos unha visita musical e moi moi especial!!! E desta volta foi a irmá de Manoel que veu a contarnos cousiñas sobre o violoncello e a deleitarnos con algunhas pezas.

 

 Descubriunos algúns segredos do seu instrumento, o nome das súas partes e cousas ben interesantes. Ademais tocounos dúas pezas e....o que estabamos desexando....ensinounos a tocar un chisquiño: postura, como coller o arco e onde frotar as cordas e tamén aprendemos unha palabra que nos encantou  "pizzicato", un xeito de tocar as cordas co dedo en lugar de frotalas co arco.

 

Grazas Carme por acompañarnos e facer desta tarde musical unha tarde ben emotiva.

Uns clarinetes mooooi especiais!!!

Fai uns días na clase de música da clase dos Dragóns e da clase de 1º Ep tivemos a sorte de contar cun concerto didáctico en exclusiva.
Viñamos de investigar nas anteriores clases como son e como soan algúns instrumentos das diferentes familias: o piano, o violín, o contrabaixo, o xilófono, ... E para ensinarnos como funcionan os instrumentos de vento viñeron dous "grandes clarinetistas" , polo menos para Xabi e Antía seguro que son os máis grandes.
Nuria e José Luis ensináronnos as diferentes partes  e segredos do clarinete para logo tocar os grandes éxitos que todos e todas coñecen. Pasámolo xenial e aprendemos un montón sobre o clarinete!

Moitísimas grazas Nuria e José Luis!

Visitamos o estudo de gravación "Abrigueiro"

O mes de decembro é un mes máxico que quixemos empezar en Infantil con un proxecto ben bonito, cargado de emotividade e no que o pasamos xenial familias, profes e pequechas e pequechos.

Xa sabedes os máis veteranos que moi pretiño de aquí de Lugo, nas montañas do Courel, vive unha personaxe moi entrañable, de oficio carboeiro, que pola noite de Nadal baixa das montañas para percorrer toda Galicia visitando as casas dos nenos e nenas cando están durmidiños para apalparlles a barriguiña, ver se comeron ben e abondo, e deixarlles unha presiña de castañas e mais algún agasallo que el mesmo fai coas súas mans con elementos da natureza. Si, si!!! O APALPADOR!!!.

Pois ben, con David e Catuxa, os nosos profes de música, aprendemos unha cantiga que fala del e conta esta historia. Unha cantiga feita a partires dun poema de Xurxo Valcárcel  ao que David, coa súa zanfona lle compuxo unha música. E claro, cantámola tan ben e gustábanos tanto que acordamos facer algo máis con ela.
E aquí chegou Arturo, o papá de Aroa da clase dos tiburóns, que nos convidou ao seu estudo de gravación Abrigueiro para que puidesemos sentirnos como os artistas de verdade e....Gravar a música e as nosas voces nun disco. UAUEEEE!!! que grande idea.

E alá fomos no bus, ata a casa de Aroa, Carmen e Arturo a pasar o día. Acolléronnos marabillosamente e ademais da parte técnica da grabación, pasamos un día xenial en contacto coa natureza, xogando na casiña da árbore, nas randeiras, co balón, coa herba, coa terra......

Aquí vos deixamos algunhas das fotos dese gran día que pasamos en Friol nas que poderes ver o entorno privilexiado do que gozamos e o ben que o pasamos nos descansos. A parte musical e de estudo....non queremos amosárvola aínda....temos sorpresas.....de momento isto é todo.

Almorzando

Como non, logo do almorzo tocou un descanso ben merecido...

Xantar!!!: empanada e "Hot Dog"!!!

  

  E logo... máis xogo...

 

A xornada rematou con todos nós esgotados pero moi moi satisfeitos e satisfeitas polo gran traballo conseguido con moito esforzo e ilusión por parte de todos e todas. 

Sabemos que estades desexando ver máis... SEGUÍDENOS CON ATENCIÓN.....TRAERÁ O APALPADOR O AGASALLO AO BLOG??

Con ganas de...Rock!!

Si, si, como ledes. As nenas e nenos da clase dos Tiburóns iniciamos as clases de música con mooooitas ganas de inicar proxectos novos. 

O primeiro día de clase estivemos a falar de aquelas cousas relacionadas coa música que nos interesaba investigar, probar, coñecer....E fixemos unha lista.

Entre outros proxectos que xurdiron o que máis paixón desataba en nós era traballar a música Rock,

Así que....mans á obra!!

Xa sabiamos moitas cousas sobre este estilo de música, algúns de nós inlcuso coñecemos xa a algúns grandes músicos internacionais e ....acordámonos tamén de que no noso cole hai un músico roqueiro que toca a guitarra eléctrica e é profe na Escola de Música Cantarela: MUS.

Así que...o seguinte paso foi convidalo a vir á aula e que nos puidese ensinar ben de preto o instrumento, as súas características, as partes e o seu nome e por suposto....queriamos probar a tocala.

E así foi

Aprendemos cousas moi interesantes e o nome de moitas das partes: altavoces, trastes, palanca, clavixas e como a guitarra se complementa co amplificador....("ampli mola máis jeje") pero o que máis desexabamos era oílo tocar a el algunha canción de rock que fixese mover o noso esquelete e por suposto...pode tocar nós (con e sen púa).

Foi un ratiño intenso e cheo de excitación. Grazas Mus por compartilo con nós. Imos seguir investigando!!!!

Músicos e música na aula 4

O último en pasar pola clase a contarnos cousiñas do seu instrumento foi Manuel Elías, compañeiro de 4º EP que toca o violín. Xa nos viñeran a contar algunhas cousas de instrumentos de corda pero este ten algo diferente: o arco. Non se trata dun arco cos que se cazaban antigamente os animais, non!!! É un arco co que se fregan as cordas do violín para conseguir un son hipnotizador. 

Puidemos ver como na familia da corda fretada existen varios instrumentos como o contrabaixo, o violonchelo (chelo para os amigos) ou a viola. 

Manuel ensinounos todos os segredos deste instrumento tan especial e tamén nos amosou o ben que o sabe tocar. Non debe de ser nada doado!!!

 Graciñas Manuel por esa tarde tan divertida.

Músicos e música na aula 3

Hoxe imos a falarvos de Antón, compañeiro de 3º de EP que tamén quixo compartir con nós a súa paixón pola música. Antón toca a batería.

Resulta que a batería é como se collésemos un montón de instrumentos de percusión, os puxésemos xuntos e decidísemos tocalos todos. Difícil, non? Pois Antón conségueo. É un fenómeno. 

Para elo ten que empregar mans e pés pero o resultado é espectacular. 

Deixámosvos unhas fotos do que foi esta tarde tan chea de ritmo e rock. 

Grazas Antón. 

Músicos e música na aula (2)

Nesta  ocasión  foron Ignacio e Carmen, alumnos de 1º ESO, os que nos achegaron dous instrumentos ben distintos pero que no fondo teñen un eixo común: as cordas que producen os seus sons. 

A guitarra, tan bonita, sensible e seguramente xa coñecida por nós pero que Ignacio nos axudou a coñecer un pouco máis deleitándonos logo coa súa música. 

E o piano, ese instrumento tan espectacular que se volve máis impactante se cabe en canto se despeza e vemos todo o que ten no seu interior: unha morea de cordas, mecanismos... 

Foi unha tarde moi divertida e chea de música.

 Grazas Carmen e  Ignacio.

 

Músicos e música na aula 1

Nestas últimas semanas varios compañeiros e compañeiras de primaria e secundaria acudiron ás aulas de infantil para compartir con nós unha das súas afección.

Todos e todas elas  teñen un gusto común como é gozar coa música e quixeron aproveitar para achegarnos a nós dita motivación e coñecementos. Saben un montón de cousas e puideron resolvernos unha chea de dúbidas. 

Hoxe imos a falar de Catuxa, alumna de 6º de EP que nos presentou o clarinete. Un instrumento de vento cheo de segredos como por exemplo que todo o clarinete sería inservible se non tivese esa pequena lingüeta que vibra e o fai sonar cando sopramos. As súas chaves tan brilantes, a madeira negra da que está feita, ou todas as pezas que o compoñen xa non son un segredo para nós. Ademais de todo iso tocounos unha canción ben coñecida por nós. 

Foi moi divertido!!!. 

Graciñas Catuxa. 

 

Papá de Lúa...gaiteiro!!

Na clase das bolboretas tivemos unha visita moi.....musical!! que nos axudou a completar  o noso proxecto sobre os instrumentos tradicionais galegos.

Veu o papá de Lúa, David, a presentarnos a gaita, as súas partes, como soa e....foi case máxico para nós ver como de aquela bolsa que el traía saían unha chea de pezas de diferentes lonxitudes, unha bolsa con flecos...... e como se convertía nunha gaita co seu son tan característico, tan cotiá para nós.

Primeiro saíron as partes da bolsa

Despois David foinos descubrindo o son de cada unha das partes e como atravesaba o aire cada unha delas. O ronco soaba coma un barco!!!

E vimos tamén que hai unha que se chama ronqueta que ten unha especie de chave coma se fose unha billa de auga. que curioso!!

 Tamén coñecimos unha parte moi importante: o punteiro que vai da man sempre da palleta que leva dentro sen a que as notas non soarían.E descubrimos que canto máis longo era o punteiro...máis grave soaba.

Cando todo estivo montado David contounos o conto de como Avelino Cachafeiro, un gaiteiro moi famoso e importante, conseguíu compoñer a Muiñeira de Chantada para agasallar á súa amada.

 E como non....bailamos a ritmo da gaita acompañada da pandeireta e do bombo que tocabamos nós. Que ben o pasamos, que divertido foi!!!

 Moitísimas grazas David por pasar unha tarde con nós musical e moi moi especial!!!

Esta visita, como vos contabamos, foi a guinda que colmou o pastel.....non pastel de comer non.!!!...queremos dicir que rematamos con ela o noso proxecto ao redor dos instrumentos tradicionais galegos que iniciamos aló polo mes de outubro na aula de música.

 Experimentamos con todos eles, aprendemos a clasificalos por familias e descubrimos como facer para que soasen o bombo, a pandeireta, o pandeiro, as culleres, o tamboril...e con eles tamén algunhas peciñas do repertorio tradicional e popular galego que acompañaban aos diferentes bailes soltos e agarrados: a muiñeira, o pasodoble....

 Mirade as fotos e veredes cantas experiencias!!! e podedes ver tamén o moito que medramos dende inicio 

de curso...vaia se cambiamos!!

 

Guitarreando con Paula e Icía

Durante todo o curso temos a oportunidade de coñecer moitos instrumentos musicais. Nesta ocasión o especial foi que Icía e Paula, irmás de Aldán de 3º EI e Marcos de 2º EI, viñeron a facer de profes e presentáronnos un instrumento que elas coñecen moi ben, a guitarra. Ambas son alumnas da Escola de Música Cantarela e compartiron con nós algunhas das cousiñas que neste tempo puideron aprender. Contáronnos algo sobre a historia da guitarra e os seus antepasados, o laúde e a guitarra barroca, amosáronnos o son deses dous antigos instrumentos e tocaron a dúo unha canción chulísima. Tamén puidemos facer algún xogo cos sons agudos e graves. Finalmente fixemos o que máis nos gusta sempre, probar a guitarra!!!!

Foi un día moi especial no que aprendemos moitas cousas.

Dende aquí queremos agradecer a Icía e Paula vir a compartir con nós esa tarde tan divertida.

Así foi o Nadal 2013, 4ª parte: Audicións.

Como non podía ser doutro xeito e como toda festa que se preste, o Nadal vai acompañado de música e nós fomos os anfitrións nas audicións que preparamos e compartimos con vós. En Infantil cantamos "Jingle jingle little bell" e "Alegría", chea de boas vibracións. Para esta canción contamos ademais coa colaboración dos rapaces e rapazas de 1º da ESO. En 1º e 2º de EP cantamos "What do you want for Christmas" e "Quérote Máis" de Sonoro Maxín que nos deixou con moi bo rollo de cara ás vacacións.
Agora deixámosvos aquí un pequeno vídeo para lembrar aquel momento. Agardemos que vos gusteeeee!!!!



 

Magosto 2013

Chegou o tempo de outono, tempo das castañas e....como non o das festiñas como o Magosto con música, bailes e cancións.

Este ano, ademais de cancións que falan propiamente do rico froito, das adiviñas e poesías de castaniñas, traballamos na aula de música con cancións populares que a algúns de nós xa nos soaban de oílas nas festiñas populares ás que acodimos coas nosas familias. Aquela que fala dunha tal  Carolina que ten unha saia con un lagarto, ou a  das ondiñas do mar etc...

Foi unha festa na que todos e todas participamos con moitas ganas e ata aprendimos unha coreografía que os maiores de 1º BAC inventaron para a popular canción de "O Sacristán de Coimbra"...moi divertida!!

Nas aulas elaboramos as nosas caixiñas de castañas utilizando diferentes materiais de refugallo e enfeitándoos con diferentes técnicas: papeis de revista en infantil  e  follas naturais en 1º e 2º ep. A que quedaron chulos??

Pero xa non vos contamos máis, só queremos compartir con vós as emocións vividas no video que aquí vos compartimos.