Empezamos un novo curso!!!

Ola!!!

benvidos e benvidas de novo a este espazo neste novo curso que comezamos.

Damos a benvida ás familias que este curso se incorporaron de novo, tanto de 1º EI como nos diferentes grupos de Infantil e 1º 2º de EP.

Este é un espazo a través do cal poderedes ir vendo, como se dun furadiño se tratase, o que acontece nas aulas, no cole e tamén fóra del. Ademais nos gustaría que participarades en cada unha das entradas a través do espazo "Comentarios" para darlle un pouco máis de dinamismo e  que sexa tamén un lugar de intercambio.

Este ano temos algunhas novidades que iremos e iredes descubrindo con nós. Hoxe queremos falarvos da "Aula Máxica" un lugar do máis acolledor onde temos diferentes espazos: zona de biblioteca e lectura, zona de creación plástica, de movemento, rincón musical....e unha chea de emocións que vivir alí dentro.

Seguide atentos cada semana a este espazo!!!

Vémonos entón por aquí!!! un biquiño moi, moi grande e.....empeza a aventura!!!

Un novo curso...novas experiencias!!!

Benvidos e benvidas de novo a este espazo común que inauguramos co inicio do novo curso!!!

Queremos  darlle a benvida, como cada ano, ás novas familias que inician xunto aos seus fillos e fillas unha nova etapa na que a escola se integra como parte importante do día a día. E será aquí, a través do blog, onde poderedes ir vendo o que acontece na aula e fóra dela. Gustarianos moito contar coa vosa participación a través dos comentarios que podedes facer debaixo de cada unha das entradas.

Propoñémosvos que cada semana visitedes o blog na compaña dos vosos fillos e fillas e así poidades comentar xuntos as diferentes actividades. É unha boa maneira de falar con eles sobre o cole e unha ferramenta para que vos conten como viven as diferentes experiencias escolares.

Vós podedes ser tamén os "escribintes" do que eles/as queren contar e reflectir nos comentarios. Veña animádevos!!! fagamos deste espazo virtual un lugar de encontro!!!

E para ir abrindo boca aquí vos deixamos algunhas fotos dos primeiros días. estade moi atentos e atentas que iremos mostrándovos imaxes do periodo de adaptación e o incio de novas rutinas como o comedor, a sesta, os momentos de xogo e aulas, etc...

Ola a todos os lectores e lectoras do blog!!!

os nenos e nenas de Infantil e 1º ciclo de Primaria empezamos o cole o pasado luns con algunha que outra novidade (para os máis pequechos eran todas novidades jeje) que fixo que a nosa volta á escola fose se cabe aínda máis emocionante.

Entusiasmounos o reencontro cos compañeiros e compañeiras, coas profes, cociñeiras....e con espazos como o patio e a carballeira con sorpresas como....

Area de praia no areeiro par poder xogar descalzos (mentres o tempo o permita)

 e un estanque na horta onde pouco a pouco irán facendo a súa casa moitos animaliños e prantas (de momento hai unha parella de libeliñas que cando sexamos quen de fotografar vos amosaremos).

Os nenos e nenas de 1º de EI estamos neses primeiros días de adapatación a todo o que para nós é novo. Aquí podedes vernos na aula.

 

Esto foi só un petisco!!! nestes días teredes moitas máis novas e fotos.

Esperamos os cosos comentarios!!!

Novidades no blog!!!

Bueno, algunhas das novidades que queremos contarvos saltan á vista verdade??

 Siiii, estreamos nova imaxe e iniciamos ademais unha nova etapa con novos compañeiros e compañeiras de viaxe: os nenos e nenas de 1º e 2º de Educación Primaria!!!

 E é que como  traballamos moito xuntos: obradoiros internivelares, saídas conxuntas, obradoiro de Saca a lingua e moitos proxectos que irán xurdindo,  quixemos tamén ter este espazo en común no que compartir algunhas das cousiñas que vivimos nas aulas e fóra delas.

Ademais coa súa participación tamén vos queremos mostrar a contunuidade que queremos nas dúas etapas xa que rematar a Infantil e inciar a etapa de primaria no cole Galén non supón unha ruptura senón todo o contrario. As nosas profes e todo o equipo educativo traballan día a día para conseguir que os nenos e nenas sigamos sentíndonos seguros, confiados, acollidos e tranquilos cunha liña metodolóxica común e coherente entre as etapas.

 Esta é uha nova etapa con novos retos para este espazo compartido con vós familias e tamén de cara a abrirnos ao exterior na que esperamos seguir contando coa vosa participación.

Grazas por seguirnos!! Esperamos os vosos comentarios!!

Empezamos o cole!!! curso 2012-13

 Xa sabemos que moitos de vós estabades xa esperando novas a través do  blog e...pedimos disculpas por esta tardanza pero entre os preparativos nas aulas, os recibimentos e o intenso dos primeiros días non puidemos inicialo antes.

Aquí estamos un ano máis, famillias, mestres, nenos e nenas iniciando un novo curso con moitas ilusións, expectativas e proxectos. Dende aquí damos tamén a benvida ás novas familias de 1º EI e darvos a todos e todas as grazas por seguir confiando en nós, en todo o equipo de Galén Centro Educativo, para acompañarvos na aventura de medrar cos vosos fillos e fillas, facendo xuntos o camiño (de aí a foto dos seus peíños)
 Para as familias que vos incorporades agora, e tamén para as que xa sodes seguidoras, lembrarvos que este blog pretende ser unha vía de comunicación entre o cole e a casa, para que vaiades vendo algunhas das cousiñas que vivimos nas aulas e fóra delas. E dicimos algunhas porque a verdade é que non somos quen de plasmar todo o que nos acontece...son tantas emocións, tantas sensacións e descubrimentos.....

Esperamos os vosos comentarios e aportacións para enriquecer este blog e poder facelo un pouco máis ameno e participativo. Xa sabedes, ao final de cada entrada tedes o espazo para os comentarios
Animádevos que vos esperamos con ilusión!!!

E...claro que si!!! en breve teredes fotos destes primeiros días de cole......estade atentos!!

Benvidos e benvidas ao Blog de Educación Infantil!

Empezamos novo curso!!

Si si, xa estamos a preparar todo para cando cheguedes!!!
Iniciamos unha nova aventura, un novo curso cheo de sorpresas, emocións, experiencias, sentimentos...música, amizades, xogo, natureza ......o vindeiro 7 de Setembro ás 10:00 para os nenos e nenas de 2º e 3º de EI e ás 10:30 darémoslles a benvida aos máis pequechos da etapa que inician por primeira vez a experiencia escolar no cole dos grandes, todo un reto!
Este curso serán Carmen en 1º EI, Cristina en 2º EI e Catuxa en 3º EI as titoras que xunto con Conchi, Ana English e David, vos acompañarán nesta fermosa tarefa de medrar, de aprender, de convivir cos outros e gozar do tempo de lecer, da natureza, dos contos e de tantas e tantas historias que imaxinar, que contar, que ler, que escribir.....

Nós xa estamos con moitas ganas de vervos a todos e todas!!!.
Ata mércores!!!

Benvida

Dámosvos a benvida ao blog de Educación Infantil de Galén que nace tentando converterse nun espazo de comunicación para toda a comunidade escolar.

Abrímolo coa primeira festa do curso: O Magosto. Do mesmo xeito que esta festa nos liga á natureza e ás tradicións, neste espazo queremos compartir o noso propio ser e a forma na que medramos, aprendemos e gozamos do noso contorno.

Tentamos que sexa interactivo e así como nós vos comunicamos as nosas experiencias e emocións agardamos que vós nos acheguedes as vosas opinións, os vosos intereses e todo aquelo que queirades compartir.

O blog inicia a súa andaina e como se dunha criatura se tratara entre todos e todas axudarémolo a medrar