24 de diciembre de 2014

Andando a Terra

Os profesionais do audiovisual que colaboran neste fermoso proxecto  están a traballar con moita ilusión para que poidamos revivir a través das imaxes a emotiva tarde que compartimos o pasado martes 16 de decembro.
Foi un proxecto que nos enriqueceu a grandes e pequenos con un final espectacular con Uxía e a súa banda no escenario e todos os nenos e nenas do cole dende os máis pequechos ata os grandes de bacharelato. Un proxecto cheo de aprendizaxes, de momentos cargados de emotividade, unha homenaxe ao gran poeta lucense Manuel María, unha homenaxe á nosa cultura e á nosa lingua.

Grazas a todas e todos os os que fixestes  que este soño se fixese realidade!!!

Para ir abrindo boca aquí vos deixamos dúas fotiños dos moradores deste blog, os nenos e nenas de EI e 1º Ciclo de primaria.

22 de diciembre de 2014

Chegou o Nadal.

Chegou o inverno e con el o frío e....as festas de Nadal!!

Para rematar o trimestre estivemos a preparar as bolsiñas nas que levar os traballiños á casa. Como xa sabedes, gústanos facer todo con material de refugallo e poder así reducir resíduos. Nesta ocasión quixemos darlle unha segunda vida a esas camisetas xa algo velliñas que andan polos armarios das mamás e dos papás. Un pouco de tinte e imaxinación fan delas unhas bolsas do máis chulis.

tinguido

 Tamén na mesma liña facemos cada ano un xoguete ou xogo sen necesidade de mercar nada.
xoguete
Este ano os protagonistas foron os tubos de papel hixiénico. Con eles os nenos e nenas da clase dos caracois fixemos este xogo matemático no que se tratar de asociar cada grafía coa súa cantidade (de pauiños). Na clase dos dinosaurios  fixemos catalexos e prismáticos. Chulos, non si?  
Os últimos días do cole foron tamén moi especiais: o chocolate con churros, a elaboración de postais para meter por debaixo das portas dos compañeiros e compañeiras, os cantos de aguinaldo e como non.....A VISITA DO APALPADOR E OS REIS MAGOS DE ORIENTE!!! 

Adornos para a  árbore e postais

postais
  
churros
 Enchendo as barriguiñas para que o Apalpador mire como estamos de mantidos  

 Así...así esteades todo o ano.... dixo o Apalpabarrigas que veu no coche de liña dende as montañas do Courel como cada ano a visitarnos.

Apalpador
  
 As súas Maxestades....

Reis 1
Reis 2

Este fin de trimestre ademais foi un chisco máis especial pois como sabedes fixemos o espectáculo "Andando a Terra" con Uxía Senlle no escenario do Auditorio Gustavo Freire.
Os profesionais do audiovisual están a traballar a reo para que pronto poidamos ver as fotos e a gravación do espectáculo. 
Mentres tanto...que gocedes das vacacións e que teñades un bo Nadal e unha fantástica entrada do novo ano.

Biquiños!!!

18 de diciembre de 2014

ROBBY RABBIT'S 5th BIRTHDAY!

Hi everyone!

Hai unhas semanas foi o meu 5º aniversario e quíxeno celebrar cos nenos e nenas da clase dos Dinosaurios. Para elo, primeiro fixen unha torta de chocolate e laranxa coa miña madriña: Marina, unha nena marabillosa de 6 anos, que é ademais a afillada de Ana. Isto foi o domingo pola noite, e ao día seguinte, luns, celebrámolo en clase como o fan o resto de nenos e nenas. 

Aquí vos deixo un vídeo coa receita da torta e como me felicitan os Dinosaaauuuurios! 


17 de diciembre de 2014

Concerto Nadal



Horario saída 19 decembro e apertura Nadal.

Os grupos de Educación Infantil, de 1º a 6º EP e 1º e 2º ESO rematan as clases ás 13.00.
3ºe 4º ESO e Bacharelato rematan as clases ás 13.15.

O autobús iniciará a rota de saída ás 13.15.

Aniversarios de Novembro


Olaaa, o mes de novembro xa rematou pero queremos compartir con vós as fotos dos nenos e nenas que cumpriron anos neste mes así pois... aí van!!!

Cumples Novembro
 

12 de diciembre de 2014

Últimas entradas Andando a Terra

Pódense recoller as últimas entradas dispoñibles na nosa oficina do Campo Castelo, o vindeiro luns 15 de decembro entre as 18.15 e as 20.15.

Últimos detalles Andando a Terrra

Luns 15 de decembro

A saída de todo o alumnado do Centro realizarase ás 18.00 dende o Auditorio, haberá servizo de transporte para o alumnado que o usa habitualmente.

Martes 16 de decembro

Debedes recoller ao vosos fillos e fillas do seguinte xeito:

a) 3º e 4º ESO e 1º e 2º BAC ás 14.20.

b) Ed. Infantil e Ed. Primaria ás 15.10.

Haberá servizo de transporte para os que o usen habitualmente ás 15.10.

10 de diciembre de 2014

Entradas Andando a Terra

Ampliamos o prazo de recollida de entradas ata mañá xoves ás 13.30. Lembrade que se non a recolledes a entrada quedará a libre disposición do Centro.

9 de diciembre de 2014

Andando a Terra


Martes 16 de decembro ás 18.00

Un ano máis, estamos mergullados nun Proxecto interdisciplinar no que participa todo o Centro. A figura de Manuel María serve de eixo vertebrador para un traballo en equipo que representa o espírito do noso proxecto educativo, un traballo colaborativo onde toda a comunidade que forma Galén participa facendo ao alumnado centro dun espectáculo único, irrepetible e propio que os faga sentirse protagonistas de algo máxico.
Manuel  María é un poeta lugués que recolle na súa poesía unha temática moi ampla: o intimismo, o compromiso social, a paisaxe galega, a xente e a vida cotiá da nosa terra, cunha linguaxe  e recursos literarios que nos permiten traballar con nenos e nenas de todas as idades. É un poeta rural e urbano, cosmopolita a un tempo,  que nos achega a unha realidade galega, ás veces, non tan próxima como nós cremos. É un home do noso tempo que aborda temas universais dende un punto de vista cercano e actual.
A proposta escénica parte dun espectáculo musical que Uxía Senlle, colaboradora nesta aventura artística, concibe ao redor da obra do escritor chairego recollida en Andando a terra, título do disco que se publicou xunto co libro Os lonxes do solpor, no ano 2012.
Con ela e a súa banda compartiremos escenario  todo o alumnado do Centro, de Educación Infantil a Bacharelato. Ata ese día traballaremos a figura de Manuel María nas súas múltiples caras a través de obradoiros, saídas e investigacións vencelladas ás diferentes áreas curriculares que plasmaremos en traballos de diverso formato que expoñeremos eses mesmos días.
Este noso Andando a terra é posible grazas á colaboración da Área de Cultura da Deputación de Lugo e á Área de Cultura do Concello de Lugo.
Xunto con estas institucións colaboran con nós:  A Fundación TIC,  Escola de Imaxe e Son; a Fundación Manuel María de Estudos Galegos, Cafés Las Candelas, Espazo Escénico 10, Proxecto Danza, Fernando Rois Carroceda, bailarín e alumno do Centro; Teresa Nery, bailarina e coreógrafa; Isabel Sánchez e Marga Portomeñe, actrices;  Isidoro Rodríguez Pérez, Berta Sánchez Pérez e  Sila Cela Ferreiro, ex-alumna e fotógrafa.
A estrea deste espectáculo terá lugar no Auditorio Gustavo Freire o día 16 de decembro pola tarde.
Agardamos contar con todas as nais e pais do alumnado do Centro e, tamén, con todas as persoas interesadas en presenciar un espectáculo distinto ao redor da figura dun dos poetas senlleiros da nosa literatura.
Enlaces de interese, se algún non funcionase podes pegalo no teu navegador:
https://www.spotify.com/es/                                        


26 de noviembre de 2014

Nuria e os caracois


Ola a todos e todas!
 A Clase dos Dinosaurios queremos compartir con vós as imaxes da visita de Nuria, a mamá de Antía, que colaborou connosco no Proxecto dos Caracois que actualmente estamos a levar a cabo. Coma todas as visitas de pais e nais, foi moi interesante e especial... e aprendemos moitííísimo xa que veu moi moi preparada e como di Antía: "A miña  sabe moooooito  de animais"!!! 

Nós xa sabiamos unhas cantas cousiñas sobre os caracois: que non teñen ósos, que son hervíboros, algunhas partes do seu corpo e para que serven... pero agora somos grandes expertos en caracois! Veredes..
Os caracois teñen: pulmón, corazón, pé (para andar, claro!), cabeza, tentáculos (nos longos están os seus ollos e os curtos son os seus brazos e nariz!), e tamén teñen aparello reprodutor aínda que un tanto especial porque son hermafroditas... menuda palabra! Menos mal que estivemos moi atentos e vos podemos explicar o que significa: pois quere dicir que cada un deles é macho e femia ao mesmo tempo!!!
E para poder comprender mellor todo isto que Nuria nos contaba axudounos moito unha maqueta dun caracol enoooorme no que puidemos ver en tamaño máis grande que ao natural o que estabamos a descubrir.

Visita Nuria 3

A ver a ver... pregunta! Os caracois teñen dentes? Vós que pensades? Pois sí, pero o que máis nos abraiou foi onde teñen os dentes, na lingua!!! A verdade é que son uns animais moi pequechiños pero están cheeeeos de sorpresas.

Visita Nuria 1

Estades a ver caracois neste tempo? A que non? É que nesta época do ano xa non podemos ver caracois porque hibernan, é dicir, métense na súa cuncha ata que fai menos frío e chove, que é o que a eles lles gusta (sen estar húmidos non poderían vivir), e cada vez que saen da hibernación e comen medran un pouquiño, é por isto que podemos ver nas súas cunchas varias raias de cores distintas, cada unha correspóndelle a unha hibernación! Nuria contou ao longo da súa visita coa inestimable colaboración de Antía, aquí vos amosamos o ben que nos explicaban como medra a cuncha...

Visita Nuria 2

Como vedes os caracois están cheos de curiosidades e nós gozamos moitísimo descubríndoas con Nuria. Dende aquí darlle mil grazas por conseguir que aprendesemos moitísimo ao tempo que  nos divertimos!!!

Estas son algunhas das cousiñas que aprendemos sobre estes animais e se queredes ver que máis fixemos nós e algúns compañeiros e compañeiras do cole animámosvos a que veñades á exposición que presentaremos no Auditorio Gustavo Freire o 16 de decembro e que complementa un Gran Concerto en homenaxe ao escritor Manuel María... e sí, como ben imaxinades nós traballamos un poema sobre os caracois!
 Biquiños enoooormes da Clase dos Dinosaurios!

18 de noviembre de 2014

HaLLoWeeeEeeN ...

   Boas a todos e todas!

Como sabedes hai pouco foi Halloween e este ano, como todos os anteriores, celebrámolo por todo o alto. Despois de semanas de preparación, especialmente na aprendizaxe das cancións e respectivas coreografías, chegou o día e pasámolo repipa.

   Tamén tivemos a sorte de contar con moitas mamás e papás dos nenos e nenas de infantil e 1º e 2º de primaria no obradoiro de decoración de cabazas. Houbo moitos artistas por aquí!!

   O día da festa os que estamos xa en primaria comezamos a xornada  disfrazados xa dende a  casa. Pouco despois de chegar, viñeron os compañeiros e compañeiras  de 4º da E.S.O. a maquillarnos. Foron moi  xeitosos pois quedamos espléndidos, ou mellor dito, terroríficos...
Logo tivemos o recreo como todos os días, e despois... ESPECTÁCULOOOO!

  Presentaron con moito arte e moi boa pronuncia  Helena e Antón, de 3º da E.S.O,  Actuamos os grupos dende 1º EP ata 3º ESO e foi  verdadeiramente fabuloso....un éxito!

   Despois  voltamos á clase e fixemos o Trick or treat e.... conseguimos as nosas chuches!!!

   Cando rematamos o espeluznante e delicioso xantar, tivemos as nosas actividades extraescolares e recreo correspondentes e xa pola tarde visionamos diferentes películas. Os nenos e nenas de 1º e 2º de Primaria vimos "Alice in Wonderland" de Tim Burton. 

   Por outra banda, os máis pequechos e pequechas celebramos a nosa particular festa pola tarde na aula de música despois de facer o Trick or treat para conseguir as nosas chuches que comemos vendo a nosa película de Halloween "Scary Godmother Halloween Spooktacular", un corto en debuxos animados.
Na festa cada grupo  interpretou  a súa canción e....para que enganarvos....saíunos xenial!! Foi un día diferente, como case todos en Galén.

  Aquí tendes as fotos do obradoiro das cabazas, un vídeo do primeiro ciclo de primaria e a continuación o vídeo de infantil. Esperamos que vos gusten!

   See you soon!


Halloween craft 1

Halloween craft 2

Halloween craft 3

Halloween craft 4

Halloween craft 5

Halloween craft 6

Halloween craft 7

Halloween craft 8

Halloween craft 9

Halloween craft 10

Halloween craft 11

Halloween craft 12










9 de noviembre de 2014

Cumples Outubro


Ola a todos e todas!
Xa pasou o mes de Outubro no que, ademais de realizar moitas actividades e proxectos, festexamos os aniversarios dos nenos e nenas que cumpliron neste mes... mirade que maiores estamos!!!

Cumples Outubro 14
 

1 de noviembre de 2014

Estadía de Outono 1º EP


Como xa sabedes os nenos e nenas de 1º EP hai uns días vivimos unhas xornadas do máis especiais participando na estadía de outono no cole xunto coa Aula da Natureza Trevia. Foron tres días e dúas noites de moitas emocións e moitos descubrimentos na natureza. Contámosvos como foi:

O primeiro día viñeron darnos a benvida a Becada e a Pita do Monte e contáronnos como  vivían nos montes de Galicia.
foto 1



foto 2



Antes de saír ao bosque recollemos alguhas castañas, que o magosto está á volta da esquina!


foto 3



Xa estabamos preparadas e preparados para gozar  das experiencias que iamos vivir no bosque. 
Ollos e oídos ben abertos…...comeza o espectáculo!!

foto 4
orellas de gato...
foto 7
niños..
foto 8
piñas picadas polo peto...
foto 9
foto 10
foto 11
cráneo de cervo..
foto 12
unha parella de vacaloura.. 


Pola tarde participamos nunha xincana. Canta enerxía posta na  busca de pistas e tratando de resolvelas!
foto 13
foto 14
foto 15




Aínda nos quedaba un obradoiro de cociña con Ana e Alicia onde preparamos unhas madalenas deliciosas. E para rematar o día,  unha festa con fogueira e músicos.

foto 32
festa!!


Hora de levantarse!!! hoxe é un novo día de aventuras!!! vestirse, almorzar e asearse para saír de viaxe cara Avifauna!!

foto 16
Que ben durmimos!!


Cando chegamos a Avifauna agradábanos Jose que nos presentou aos habitantes do lugar: un casuario, cisnes de pescozo negro, faisáns, flamencos.... e unha cacatúa, que moito nos fixo rir!

foto 17

foto 34


foto 35
Cantas aves!!


 E despois dunha mañá tan aproveitada necesitabamos un bo xantar. Ademais de repoñer forzas puidemos xogar moito en Penas de Rodas. Aquelas pedras deron moito moito xogo.

foto 18

foto 22

foto 23
Empuxade forte, a ver se a tiramos!!
foto 20
Unha, dúas, tres.. baixamos!
foto 21
Fantástica!!

No obradoiro da tarde realizamos un círculo cromático con Ánxela e Conchi.

círculo


Bueno…quedarianos alguna cousa que contar….. no cole hai Trasnos!! pero non vos podemos contar nada porque é un segredo!! Se non o credes preguntádelle a Mar e Ana.

Xa non nos quedaba enerxía máis que para ver unha película….e a durmió!!

Iniciamos o último día, despois dun bo almorzo, e con todo o que aprendemos estes días estabamos preparadas e preparados para responder as preguntas que nos facían naquel libriño.  

foto 24


 E saímos ao bosque de novo, esta vez para observar os animais máis pequenos que viven cerca de nós e que só podemos ver se agardamos   pacientemente a que saian das súas casas.

foto 25
foto 26
foto 28
foto 27
foto 29
foto 30
foto 31



  

foto 33

E rematamos a estadía!!! Pasámolo moi ben e gozamos moito, aínda que botamos de menos aos nenos que non puideron estar con nós e a Elia.

E vós familias….como o vivístedes??? Veña contádenos!!!!