Viaxe ao fondo do Mar, EI

Como xa sabedes os nenos e nenas de 1º e 2º de Educación Infantil estivemos de viaxe polos fondos mariños. Foron dous días e unha noite moi intensos e pasámolo xenial.

Aínda que xa vos fomos contando día a día, hoxe queremos compartir máis polo miúdo a nosa aventura. 

O Xoves pola mañá chegamos ao cole cargados, non só de ilusión, senón tamén cargados coas nosas cousiñas nas maletas para o grande día de praia e a aventura de durmir en tendas de campaña.

Unha vez instaladas as pertenzas despedímonos das nosas familias cunha mestura de sentimentos e emocións extrana, subimos ao autobús e...rumbo ao Arrecife de Coral da Praia de Cabanas.

Na viaxe iamos impacientes preguntando cada pouco cando chegabamos, se quedaba pouco....e ata polo camiño pareceunos ver varias veces o mar.

Chegamos alá e xa locía o sol que empezaba a quentar a area e os nosos corpos....pero tiñamos que coller ben forzas e almorzamos no pinar unhas galletiñas coa mirada posta constantemente na area e sobre todo.....NA AUGA!!

Sen moita demora colocamos as nosas toallas e xa cos traxes de baño e a cremiño do sol....A XOGAR COA AREA!!! 

Despois tamén tocou xogar coa auga e a verdade é que prestaba moito moito refrescarse nela.

O tempo pasounos voando e ata parecía que nos costaba ter que volver, pero unha chea de sorpresas nos agardaban no cole. Así que de volta, e para gozar aínda máis da tarde-noite, fixemos unha boa sestiña!!

Cando desembarcamos estaban a esperarnos unhas personaxes do máis singulares. Uns buceadores!!! 

Eles eran Ribadeo e Ferrol, que andaban na procura dun mapa seica dun  tesouro nun barco afundido.

Eran moi graciosos e pasamos con eles un anaco ben ben divertido mentres merendabamos.

Despois de xogar un ratiño fomos ás duchas e puxemos, xa ben limpiñas e limpiños, os pixamas para ir cear. Que rico nos soubo todo!!

Non podiamos rematar o día sen algo tan tan especial e propio de aventuras coma esta.... música, baile e LUME DE CAMPAMENTO!! .
Mais Pedro Chosco xa andaba por aqui facendo pesar moito as nosas pálpebras, así que chegou o momento de deitarse a durmir nas Tendas de campaña.

Para moitos de nós era a primeira vez e para outros...a segunda jeje!!

Durmimos moi ben e tooooda a noite.

O Venres estivo tamén cheo de sorpresas.
Despois dun almorzo completo, do aseo e recollida de maletas, puxémonos mans á obra cos obradoiros mariños....si, si porque fixemos un bolsiño para gardar tesouros dos fondos mariños, un peixe globo e ata un pequeno océano para levar a casa. Ademais enfeitámonos cos colares que a semana pasada fixemos na aula.....agora si podiamos ir na busca do Tesouro Mariño do que nos falaron os buceadores!!!

E alá fomos, en busca de .....non sabiamos moi ben que???? ata que apareceu, no medio do bosque, unha rapaza durmida. ZZZZZZ
 Cando chegamos espertámola e díxonos que era a Deusa do Mar e que precisaba da nosa axuda pois non podía evitar quedar durmida por todas partes e esquecera onde deixara un mapa dun tesouro que atopou nun barco afundido.  O NOSO MAPA!!!

Como xa imaxinades axudámola a non quedar durmida cada pouco e ademais atopamos o mapa que finalmente nos levou a atopar O TESOURO!!!

Xa vedes que ben o pasamos. Foi unha experiencia inesquecible.

Agora queremos saber como vivistes vós, familias, a experiencia de quedar sen nós na casa estes días. Contádenos no apartado de comentarios veña!!!

No fondo do mar. Reta final!

Ola familias!!

Estivemos tan atarefadas coas sorpresas e visitas máxicas que non vos contamos nada hoxe.

Durmimos moi ben, espertamos ás 08:00 e almorzamos no comedor dos maiores...en pixama!!! que gracia nos fixo.

Despois do aseo e vestirnos fixemos os obradoiros  mariños e....... bueno non vos contamos máis que xa faremos unha entrada de blog completiña con imaxes.


Asora que saibades só que estamos moi ben e contentísimas  contentísimos, pero tamén con ganas de que chegue a tarde para o reencontro.

Xa en nadiña nos vemos!!
Bicazos!!

E chega a noite e con ela... A FESTAAAA!!!!

Pois iso, que chega a noite e... FESTA RACHADAAAAA!!!! Xa ceamos rico rico e recuperamos forzas. Agora toca un pouquiño de música, lume e diversión antes da retirada para a acampada. Estamos cansos e queremos recuperar enerxías para o emocionante día de mañá. Estamos todos e todas contentos e emocionados por meternos nas tendas cos nosos sacos e lanternas pero sobre todo por compartir unha noite tan especial cos compañeiros, compañeiras e profes. Mañá colgaremos máis novas. Ata mañá.

Inmersión en Galén

Xa chegamos a Galén pero resulta que nos atopamos un cole un pouco diferente que dalgún xeito está inmerso nas profundidades do mar. Alí estaban dous mergulladores que buscaban un tesouro e que nos guiaron na procura dunha embarcación afundida. Nesa viaxe descubrimos un montón de peixiños, xurelos, algas e medusas,…Tamén nos ensinaron a respirar debaixo da auga. Isto está sendo moi emocionante. E non deixa de haber sorpresas!!!

Día de praia

Vaia día de praia que tivemos!!! Fixo un sol fabuloso e puidemos gozar moito tanto da auga como da area. Pola mañá xa nos pegamos un bo chapuzón que de seguro pola tarde repetiremos. Logo, coa fame que tanto esforzo esperta, xantamos empanada, uns bocatas e froita para poder xogar cheíños de enerxía. Tamén aproveitamos o tempo na area que sempre tantos xogos ofrece. Está sendo unha xornada fabulosa. Só pensar en todas as sorpresas que aínda nos agardan...

Infantil na praia

Chegaron ás 11.30 sen novidade, todo marcha perfectamente, están a gozar do día.

Aventura Pirata!!!

Xa vedes que aínda nos quedaban pendentes unha chea de cousiñas que contarvos antes de darnos vacacións tamén aquí no blog. 

Tiñamos pendente esta entradiña na que contarvos o ben que o pasamos na saída de 1º e 2º EI.

Trátase da saída máis especial, non só porque imos á praia e cada ano xogamos a ser diferentes personaxes, senón porque para moitos de nós é a primeira vez que estamos tanto tempo separados das nosas familias.....dous días e unha noite!!! Así que é toda unha experiencia chea de emocións, maxia, aventura e...moito moito cariño.

Este ano adicámolo ao tema "Pirata". Iniciamos nas aulas o proxecto: nas asembleas chegamos ao acordo sobre que queriamos investigar ao redor deste tema, que queriamos aportar cada un de nós, os materiais que nos interesaban, que obradoiros queriamos facer e cales preguntas queriamos responder. E así foi como arrincamos!!

Das nosas casas aportamos contos, debuxos feitos por nós, vestimentas piratas, barcos piratas cos que xogar nas aulas, bonecos, música etc... para falar sobre elas na asemblea, manipularlas, experimetar, ler e formular hipóteses para comprobar despois....

Fixemos murais sobre o fondo do mar, complementos para converternos en veraddeiros piratas, loros que decoraron os corredores, unha illa deserta no medio do mar, peixiños.....Cantamos cancións piratas, bailamos, xogamos a ser piratas de miles de maneiras e...pasámolo moi moi ben nesta fase de preparación.

E chegou o gran día no que a nosa aventura por fin se faría realidade!!!

O xoves marchamos á praia despois de deixar nas aulas as maletas que con tantos nervos preparamos a noite anterior (bueno, algúns varios días antes...jeje...a emoción) e despois de despedirnos das nosas mamás e papás con unha mestura de emocións todas xuntas que facían nas nosas barriguiñas sentir as bolboretas revoar...e ata asomar algunha bagoa pequerrecha.

A viaxe non se fixo mio longa: entre cancións varias, xogos e conversas cos compañeiros e compañeiras  ao redor do tema estrela...imos á illa pirata de verdade??que atoparemos alí?? veremos aos piratas de Irás e Volverás?? ....o tempo pasou voando.

E chegamos á Illa de Irás e Volverás...co seu mar, a area fina, algunhas árbores que nos daban sombra...e un sol estupendo brilando no ceo que fixo posible que a estancia fose moi moi agradable.

Antes de desembarcar na area fixemos unha paradiña na sombra para tomar unhas galletas moi moi impacientes por poñer o bañador e estirar as toallas...para rápidamente adentrarnos na auga. Fixemos dous baños ben largos, un pola mañá e outro pola tarde...canto nos prestou!

Ademais gozamos moito dos xogos coa area e busando tesouros pola praia.

 

 A tarde estivo moi boa pero tiñamos que marchar, pois estaban a agradarnos unha chea de sorpresas ao noso regreso á Galennave. Non sen antes comer o xa tradicional xeado de todos os anos. 

 

 Aproveitamos a viaxe para repoñer forzas despois dun día do máis intenso.....e non só os máis pequenos....

 

Cando desembarcamos de novo, collimos as nosas maletas e marchamos merendar á carballeira. Vaia sorpresa segundo chegamos vimos unha casiña que pola súa decoración non había ningunha dúbida de que era unha casa....PIRATA!!! e pronto apareceron os seus habitantes....Unha Pirata e un Pirata que falaban en Inglés e que nos contaron que cousas necesitabamos saber se queriamos ser nós tamén uns auténticos piratas: parche, loro, colares de ouro, catalexo, pano pirata para a cabeza e....algúns sonidos extranos a facer.

Estivemos moi moi atentos e atentas e tomamos nota de todo o que debiamos facer ao día seguinte se queriamos converternos en piratas de verdade.

 

 Axiña chegou a hora da ducha, da cea e dun momento do máis especial.....o lume de campamento 

 

 e a Festa!! Grazas a Pepe, Ángela e César por vir a tocar xa que non hai festa que se prece sen música.

 

 Bailamos, cantamos, miramos atentos o lume que Santi nos preparou con moito cariño (grazas Santi!) e pronto apareceu Pedro Chosco que empezaba a facer pechar as nosas pálpebras e abrir as nosas boquiñas.

E marchamos durmir cada grupo á súa tenda de campaña, candasúa profe acompañante para en pouco tempo estar todos e todas profundamente durmidiños arrimadiños uns aos outros para darnos seguridade e cariño.

E pola mañá, con enerxías renovadas espertamos con moitas ganas de descubrir novas sorpresas e de converternos agora nños en piratas.

 

Despois do almorzo e aseo iniciamos os obradoiros piratas nos que elaboramos o pano pirata, o catalexo e o parche. Para despois poñelos xunto co colar que fixeramos na aula.

 

A que agora si somos piratas?? Cando estabamos xa así enfeitados e cantando a canción pirata...apareceu de novo a pirata con outra compañeira e....ao ver que conseguiramos ser auténticos piratas entregounos o MAPA DO TESOURO para que foramos a buscalo e.....ATOPÁMOLO!!! que ilusión nos fixo!!!

 

Que máis se lle podía pedir a unha aventura piarata non si???

Pasámolo xenial, disfrutamos todos e todas do xogo e  da experiencia de pasar dous días e unha noite fóra da casa, e contribuíu sobre todo a sentirnos moi ben ao vernos capaces de superar os medos iniciais, de facer as cousas de maneira autónoma e de vivir experiencias cos nosos amiguiños a amiguiñas fóra do contorno habitual.

Grazas papás e mamás por confiar en nós e apoiarnos nestas aventuras!!!

Podedes contarnos vós como vivístes esta experiencia dende a casa....veña si...ANIMÁDEVOS...aquí abaixo, en comentarios!!!!

E con esta entrada tan especial, despedímonos de todos os lectores e lectoras ata setembro.

QUE TEÑADES MOI BOAS VACACIÓNS!!

Biquiños do equipo de infantil e 1º ciclo de primaria.

Xa no cole e comezando a velada

Vaia día que levamos... e o que nos queda.
Logo de aproveitar a tarde ao máximo xa estamos no cole. Primeiro unha ducha revitalizadora e a continuación unha boa cea antes de choutar un pouco a ritmo de música. Todo isto rematará coa agardada acampada no cole.
Mañá xa vos contaremos como foi a noite xa que esta promete!!!
Moitos bicos para todas e todos e boas noites.

Un Soño Africano

Ola!!! Aquí vos deixamos as derradeiras imaxes do Soño Africano que vivimos esta semana.
Elaboramos un mural de África e tiras con motivos africanos para decorar o corredor. Para caracterizarnos tamén nos esmeramos moito: fixemos pulseiras, colares, cintas para o pelo e pintamos o noso traxe africano... Ah, que non se nos esqueza dicir que decoramos a choza da Selva Yembé! Podedes ver o ben que o pasamos e o chulo que nos quedou todo...

 Despois de comer os pequeafricanos e pequeafricanas fomos xogar á Selva Yembé e como podedes comprobar pasámolo xenial!

 

Con tanto xogo e actividade acabamos esgotados polo que descansamos un pouquiño na sabana dos Leóns mentres comiamos chuches e viamos a película "Kirikú y la bruja", que, por certo, non engaiolou... non hai máis que ver as nosas cariñas!

 Vivimos unha aventura africana máxica coa que gozamos moitííísimo, pero tamén vos botamos moito moito de menos e xa nos tardaba estar con vós... Grazas a todos e todas por compartir con nós unha experiencia marabillosa!

Bos días África!!!

Bos días a todos e a todas!!!

os nenos e nenas de 1º e 2º de Infantil amencimos sobre as 8:30 da mañá despois dunha estupenda noite na que todos e todas durmimos ben e estivemos moi moi quentiños nas nosas tendas.

Duchámonos despois do teatriño africano (na foto podedes vernos preparados coas nosas maletas no pabillón antes de organizarnos para ir á ducha), ceamos....

A noite de onte foi máxica. Despois da cea estaba esperándonos unha supersorpresa fóra: o lume de campamento e os músicos que axudaron a que a festa fose eso mesmo, unha festa. Xa se sabe que onde hai gaita, tamboril, acordeón e pandeiretas....hai baile e festa!!! 

Que ben o pasamos, canto bailamos e o lume....fixo que pouco a pouco fosemos quedando durmidos...que poder o do lume!!!

 Así que xa vedes trouleamos, durmimos, descansamos e....hoxe é un novo día de grandes aventuras e experiencias: obradoiros, buscas de tesouros, apariciónd e máis personaxes etc.....

Estamos moi moi contentos e tamén con ganas de vervos á tarde e contarvos (ou non) o vivido nestes dous intensísimos días.

Unha aperta moi forte dende África!!

Primeiro día en África

Aquí chegan as últimas novas!!!! por fin verdade????

 O noso primeiro día en África foi moi moi intenso:

Chegamos á costa Africana, como sabedes, sen moito sol pero con moitísimas ganas de gozar da area e dos xogos cos compañeiros e compañeiras.

Á hora de xantar moitos de nós tiñamos fame como para comer un....búfalo pero a empanada riquísima e os bocatas sentaron moitísimo mellor aos nosos estómagos aínda por adaptar aos costumes do novo continente.

Unha vez cargadas as pilas, aproveitamos os últimos momentos de area para despedirnos deste lugar tan especial cuns riquísimos xeados.

 De volta á sabana botamos unhas cabezadiñas...

  

 ...o suficiente para recargarnos as pilas de cara ás sorpresas que aquí nos agardaban: unha nena africana e un elegante home de negocios que despois de moito moito partillar chegaron a facerse amigos.

A historia era que o executivo chegou á sabana  procedente da grande cidade con  intencións de construír grandes edificios e acabar coa natureza e animais que poblan esta fermosa sabana. Grazas ao poder de convicción de Mama-mandela o home cambiou de idea, conseguíu valorar a riqueza africana e ata se fixeron amigos.

 Despois desta apaixoante historia marchamos ás duchas, xogamos un pouco e....a cea xa estaba esperando!! que rápido pasa o tempo cando o estamos a pasar tan ben. E ceamos coma leóns: crema de verdura, macarróns e iogur.

 E chegou o momento máis máxico da xornada: o lume de campamento!!! Pero desto non teremos fotiños ata mañá.

 Mañá pola mañá contarémosvos como foi a noite e os plans para o día.
 Descansade familias que nós estamos ben acompañados e coidados e durmiremos ben porque estamos moi moi cansos de vivir tantas emocións. Ata mañá!!!