Robby & Marcos!

Hi everyone!

Como xa sabedes, Robby pasou un día con Marcos,da clase das fadas e a súa familia. Pasouno xenial. Ducháronse, xogaron, cearon, leron un conto e marcharon durmir. Pola mañá tocou erguerse, almorzar e prepararse para volver ao cole e compartir cos compañeiros e compañeiras todas as aventuras que pasaron xuntos. 

Robby contoume que o pasaran pipa e ...non me sorprende!. Encántanlle os nenos e nenas e pasar o maior tempo con eles. 

A continuación podedes ver as fotos que sacaron desta fabulosa aventura.

Grazas familia por compartir eses momentos tan doces con todos nós!

Ducha...

... momento de relax...

... hora de cear...

... toca conto...

... xa durmidiños...

... riiiiing! Hora de se levantar...

... un delicioso almorzo e...

... listos para ir ao cole!

Sementando Trigo co papá de Claudia

Os nenos e as nenas de 1º de EP tivemos unha visita moi especial,  Alberto o papá de Claudia.

 Explicounos moitas cousas sobre o trigo e tamén como se sementaba. 

Primeiro traballou a terra coa fresadora, que ten unha coitelas que hai que afiar de cando en vez para que corten ben e trituren as herbas e ademais remoban a terra. Despois buscamos un lugar no horto ben soleado. Alberto díxonos que tardaría uns dez días en nacer. 

E por último,collemos un puñado de trigo e sementámolo. Non é difícil, só hai que repartilo ben para que medre  forte. 

 Entre todos e todas vimos a importancia que ten o traballo dos agricultores e agricultoras para que teñamos produtos cos que poder alimentarnos ben.

Pasámolo moi ben. Moitas grazas.

Contos con Yoli a mamá de Adri R.

Estas últimas semanas a Clase das Fadas temos moitas colaboracións e sorpresas e como vos imaxinades... estamos moi contentos e espectantes.

Coincidindo coa semana do libro, o venres  veunos visitar Yoli, a nai de Adri R con unha xenial sorpresa!: un teatro impresionante con moitas personaxes para que fosen elas as que nos  contasen  varios contos.

E así comenzou o espectáculo co conto "Os tres porquiños" e as súas  marabillosas casiñas ...e un feroz loboooooo.... que daba moito medo. Que atentos e atentas estivemos!

Despois,  para a nosa sorpresa,  apareceu tamén  unha familia moi peculiar...

Non sabedes o ben que o fixo Yoli e as ganas que tiñamos de ver moitos contos nese gran teatro.

A verdade é que nos chegou a pouco.

Así que Yoli veu moi preparada e sacou dunha gran bolsa dous libros con contos moi especiais. Un dunha vaca que poñia ovos e outro sobre o moito que nos queremos.

 Estivemos moi quietiños  e coas orellas moi, moi  abertas.

 

E xa para rematar esta colaboración Yoli e as súas marionetas aínda gradaban unha sorpresa máis para nós.... unhas chocolatinas, que estaban mmmmmmm riquísimas.

Moitas grazas Yoli!!!!!

Esperamos que volvas e sigas contandonos contos tan marabillosos.

 Para nós foi unha tarde moi especial nunha semana moi especial como a semana do libro.

Un bico moi grande de A Clase das Fadas.

Patch & Álvaro!

Boas!

Ai que ben o pasou Patch con Álvaro esta semana! Como xa sabedes, os nosos amiguiños Robby e Patch están a visitar os fogares e a compartir un día cos nenos e nenas de 1º de E.I., e...
como nos gusta!

Deixámosvos as fotos, que din máis que moitas palabras, para que comprobedes o ben que o pasaron os dous.
Xa sabedes, animádevos a participar sacando fotos desta fabulosa aventura!

Montando en bici...

Baixando polo tobogán...

Merendando...

Lendo un conto...

Xogando...

... e durmindo!

Xornadas Escoita Activa

 Esta entradiña vai dirixida especialmente aos papás e mamás. 

Como sabedes en Galén a participación e colaboración coas familias é moi importante e, un curso máis, no mes de maio ofertan unhas xornadas de formación para familias e docentes que leva por título "Escoita Activa" coa psicóloga e terapeuta Isabel Fuster Rapezza.

 O Obradoiro ten como obxectivo principal ensinarnos a escoitar o esencial, o que realmente sentimos que é significativo,a expresarnos apropiadamente e tamén, como adultos, a axudar aos nenos e nenas a que poidan contactar, identificar expesar e resolver as súas emocións. 

 Tamén tomaremos tempo para detectar e solucionar as interferencias emocionais dos interlocutores adultos e rapaces/as que levan a interpretacións equivocadas e tomas de decisión inapropiadas, desviando ao adulto do seu rol de pai/nai ou educador/a e causando dano na expresividade natural do neno/a e nos niveis de confianza.

 O Obradoiro desenvolverase no cole os días 11 e 12 de maio en horario de 10 a 14 h e 15:30 a 20:00 h o sábado, e o domingo de 10 a 14hrs. 

Animádevos a asisitir porque é moi moi interesante.

 Se precisades máis información non dubidedes preguntar no cole. 

Esperámosvos!!