Aprendemos con Carmen, a nai de Rafa

A semana pasada estivo en 2ºEI Carmen que, xunto con Rafa, nos fixeron pasar unha tarde moi divertida e entretida.

Primeiro faláronnos de distintos animais acuáticos, do que comen, como comen, como se moven na auga, como se comunican... e logo levamos á práctica cómo come unha balea azul, que, coas súas barbas deixa marchar a auga e os peixes quédanlle dentro da boca.

Tamén poidemos "sentir" as vibracións que emiten os golfiños para comunicarse na auga tan só empregando unha goma elástica e a manilla dunha porta. Esto gustounos moito porque, por un anaco, convertímonos en golfiños!


Pero Rafa e Carmen aínda nos tiñan unha derradeira sorpresa... todos os nenos e nenas tumbámonos no corredor de infantil e comprobamos que medíamos o mesmo que unha balea ao nacer!


Esta visita, como todas as que nos facedes, encantounos, porque gozamos moito co voso apoio, con todo o que nos contades e, sobre todo, coa vosa compaña. Así que, animádevos e sorprendédenos!

Saída a Meilán

Hoxe os pais de Claudia de 2º EI, colaboraron connosco e abríronnos as portas da súa granxa en Meilán, polo que lles damos as grazas por axudarnos a aprender con eles e porque mentres medramos, gozamos coa vosa compaña.

Nesta granxa poidemos ver moitos animais como vacas, galiñas, coellos, porcos e ovellas. Vimos como comían e saltaban emocionados pola nosa presenza. Os nenos e nenas de Infantil divertímonos moito dándolles de comer ás galiñas e vendo moi de cerca todos os animais. Aprendimos o que comen e como son, pero en vez de velo en fotos, tivemos o privilexio de poder estar con eles e até ulilos (algúns non olen moi ben...!).










Logo de ir descubrindo o entorno da granxa, déronnos un almorzo moi moi rico que nos encantou e aínda tivemos tempo de xogar na randeeira, no tobogán, no quad... en definitiva, pasámolo xenial!Moitas grazas por gozar con nós!

As familias na aula

As familias son unha parte fundamental do Proxecto Educativo de Galén e a súa participación nas aulas e fóra delas fainos sentir moi ben.

Estes días viñeron á nosa aula a mamá de Mario e a mamá e o papá de Cristian.
A mamá de Mario ensinounos que é unha brúxula, para que serve e ..... como se pode facer unha con material caseiro! Tamén nos dixo que as propiedades dos imáns teñen que ver co magnetismo da Terra. Explicounos cun aparello os movementos da Terra e da Lúa e por que se producen as noites e os días. É un pouco complexo de entender por agora pero vimos cousas marabillosas que quedaron gravadas nas nosas retinas e servirán para que o noso interese científico siga medrando.








Tamén viñeron a mamá e o papá de Cristian. Con eles fixemos un queixo de leite de vaca. Por incrible que pareza para nós foi casi tan pouco familiar a elaboración deste alimento como a comprensión dos fenómenos físicos que nos amosou a mamá de Mario. Moitos de nós nunca tocaramos o leite callado e, menos aínda, probamos o suero. Aprendimos palabras novas que non escoitaramos nunca e repasamos conceptos como sólido ou líquido. Ao final de todo probamos o queixo que estaba boísimo sobre todo con mel e galletas. Despois puxémoslle sal e gardámolo na neveira para que adquirira a textura e a apariencia dun queixo fresco. Compartímolo cos compañeiros e compañeiras de Educación Infantil e cos profes que quixeron probalo.










Xa participaron outras nais e pais das tres clases de EI. Para nós sempre é unha festa recibirvos ou ir a onde nos invitedes, como cando fumos á casa de Carla e Sara ou á casa de Claudia que visitaremos esta semana.

Animádevos pois, seguro que tedes ideas marabillosas.

Pesdelán presenta "Na punta do pé"

Durante as vacacións de Nadal é habitual atoparnos nas tendas con multitude de novidades discográficas. Vimos de descubrir a edición do disco dun grupo que xa leva uns anos facendo bailar e cantar ao público que asiste aos seus concertos. Chámanse PESDELÁN e está formado por varios músicos experimentados no ámbito da música tradicional entre os que está a nosa mestra de música de primaria Uxía.

A proposta de Pesdelán é unha opción didáctica na que tanto nos seus directos como no seu traballo editado, tratan de transformar aos asistentes en protagonistas da festa, polo tanto asistir a un concerto de Pesdelán convírtese nunha experiencia na que o público pasa a formar parte do espectáculo.

A nosa sorpresa foi maior cando ademais descubrimos que algunhas das cancións que aparecen no CD-DVD nós xa as coñeciamos.

Podedes ver un anaquiño neste video e atopar máis información na páxina de kalandraka
Sen dubidalo animámosvos a adquirir este disco e si tedes oportunidade e ganas de bailar e pasalo ben non deixedes de asistir a un concerto de Pesdelán.

Nadal 2: barrigas mantidas para o Apalpabarrigas

Dende fai xa algúns anos, propoñémonos nestas datas colaborar con algún proxecto de cooperación e axuda ao desenvolvemento a través de diferentes ONGs naqueles lugares do mundo que máis o necesitan.

Este ano colaboramos con Unicef no proxecto "Alimentos para todos e todas", e fixemos postais con distintos alimentos para construír unha pirámide alimentaria. A Infantil xunto co primeiro ciclo de Primaria tocounos facer a base da pirámide e así fixemos as nosas postais con fariña, pasta e arroz.Por detrás da postal escibrimos os nosos desexos para os nenos e nenas que non teñen alimentos suficientes e a nosa esperanza de poder axudar.
Unha vez rematadas as postais colgámolas na pirámide que puxemos na entrada do cole e así ademais de expoñelas as nosas familias puidéronas adquirir facendo unha aportación ao proxecto. Finalmente, entre todos e todas conseguimos superar o reto de recadación que nos propuxemos con respecto a este proxecto.
Conseguimos pois que moitos nenos e nenas poidan ter a "barriguiña mantida como lle gusta ao Apalpador.

Recordade a cantiga que di:
"Se eres neno ou rapaciña
durante a noite cumprida
tocarache a barriguiña
e verá se está mantida"

Podedes ver como enfeitamos a entrada do cole coa nosa imaxe personalizada do Apalpador e coa pirámide de alimentos a modo de árbore de Nadal.