Durante todo o curso temos a oportunidade de coñecer moitos instrumentos musicais. Nesta ocasión o especial foi que Icía e Paula, irmás de Aldán de 3º EI e Marcos de 2º EI, viñeron a facer de profes e presentáronnos un instrumento que elas coñecen moi ben, a guitarra. Ambas son alumnas da Escola de Música Cantarela e compartiron con nós algunhas das cousiñas que neste tempo puideron aprender. Contáronnos algo sobre a historia da guitarra e os seus antepasados, o laúde e a guitarra barroca, amosáronnos o son deses dous antigos instrumentos e tocaron a dúo unha canción chulísima. Tamén puidemos facer algún xogo cos sons agudos e graves. Finalmente fixemos o que máis nos gusta sempre, probar a guitarra!!!!
Foi un día moi especial no que aprendemos moitas cousas.
Dende aquí queremos agradecer a Icía e Paula vir a compartir con nós esa tarde tan divertida.
Como nos gusta esa colaboración entre grandes e pequechos, irmáns....que bonitas experiencias! Grazas!
ResponderEliminar