Como vos estivemos contando durante o pasado mes de decembro fixemos moitas cousas preparando as diversas actividades e proxectos do Nadal. Hai unha da que aínda non vos contamos nada pero que xa escoitastes. Foi a canción que aprendemos para o concerto de Nadal.
A pesar do moito traballo que temos nestas datas sempre sacamos un ratiño para cantar e ensaiar a canción que logo facemos con todos os nenos e nenas do cole no festival.
E por si era pouco, este ano aprendemos outro idioma máis. Convertémonos en grilos e aprendemos a falar CRI CRI!!
Foi moi divertido. Cantamos en moitos idiomas: english, castellano, euskera, català, italiano, français, português, …
Desta volta cantaron con nós as nenas e nenos de 2º da ESO… si si!!!… os que nos viñeron a contar un montón de cousas sobre o proxecto REBIBIR e que tamén estaban moi atarefados. Aínda así atopamos momentiños nos que quedar para ensaiar e así conseguimos que a canción fose todo un éxito.
Deixámosvos aquí o enlace a un vídeo moi divertido coa canción CRI CRI !!! que pertence ao disco “A nena e o grilo” de Magín Blanco (moi moi recomendable para a discografía familiar), pois de seguro xa tedes a gravación da nosa interpretación no festival de Nadal.
Deica a vindeira nova.
No hay comentarios:
Publicar un comentario
A vosa participación tamén é importante....contade!!