Primeiros días nas aulas de Infantil

Ola!!!!

xa  vos contou Roby un chisquiño como estamos por aquí, no cole.

A verdade é que está a ser unha semana de moitas emocións e moi moi intensas. Para moitas de nós o reencontro cos amiguiños e amiguiñas despois do...curto!! verán. Para outros empezar unha aventura nova, nun espazo novo, con novas profes  e con nenos e nenas novos tamén....vaia moooooitas novidades todas xuntas.

Aquí no vedes aos novos moradores deste xenial lugar chamado Galén.

E os xa un pouco máis expertos iniciando o noso novo papel,  dende un punto de vista diferente e tamén asimilando a modiño as novidades propias da aventura de medrar.

Os momentos máis sensibles do día para os nenos e nenas de 1º de EI son a despedida e o ratiño da sesta. O primeiro foi doado, nun tris collimos o truco. O segundo, o momento do descanso costa un chisquiño máis pero cos grandes e amorosos colos de Carmen e Catuxa xunto co cansanzo do día estamos a conseguir que se convirta pronto nun momento moooooi agradecido e levadeiro.

Mirade e xulgade vós mesmos.

Ademais o día a día a día está : xogo nas aulas, na carballeira e patio (cando o tempo o permite), o castelo hinchable, as visitas de David e Conchi e a compaña de Alicia están a facer cada día moi especial e que teñamos ganas de marchar pola tarde pero tamén de voltar ao día seguinte.

Seguiremos contandovos cousiñas.....estade  atentas/os!!

e por certo.....queredes contarnos como estades a levar vós este periodo de adaptación....como papás e mamás eh?? Animádevos no apartado de comentarios

Welcome to school

Despois dunha semana moi intensa e xa comezando unha nova, Robby mais as profes de Infantil queremos darvos a benvida ao cole.

 O primeiro día de clase é especialmente duro xa que hai que madrugar un montón! Así e todo  Robby, nese día, xa levaba cos ollos abertos un bo rato antes de que soara o espertador.....Sabedes por que?

 Estaba moi emocionado por volver a ver a cada un dos seus amiguiños e amiguiñas e andaba con ganas de coñecer a todos eses novos nenos e nenas  que xa forman parte do noso cole.

 E alí aconteceron cousas moi divertidas durante toda a semana: lemos moitos contos en diferentes idiomas, decoramos e organizamos as aulas, fomos ao patio coas motos, almorzamos xuntos comidas moi ricas, participamos en xogos moi diversos...e, sobre todo, aprendemos moitísimo xuntos!

Para que poidades ver algunha das miles de aventuras que acontecen no noso cole día a día, deixámosvos un collage moi divertido.

Ah!!! e unha novidade máis. Como vedes na foto Robby este ano trouxo con ela a unha nova profe. Chámase Selene e estará con todos nós este curso mentres Ana, a nosa english teacher, coida do seu bebechiño Daniel.

Con ela viviremos moitas aventuras e de seguro aprendemos unha chea de cousas in english!!

See you soon :)

En breve....novo curso!!!

Estamos xa a preparar o novo curso con moitas ganas de reencontrarnos familias, nenas, nenos, profes e todas as persoas que no cole convivimos ano tras ano. E tamén estamos moi ilusionadas por coñecer ás novas incorporacións!!!


Agradecemos  o voso apoio no desenvolvemento do noso Centro e do noso Proxecto Educativo no que a colaboración mutua é fundamental  acompañar  ás vosas fillas e fillos na marabillosa aventura de medrar e aprender.

Seguiremosvos contando a través deste espazo virtual, o BLOG, o que imos vivindo nas nosas aulas, nas saídas que faremos ao longo do curso, das visitas que esperamos recibir de vós, as familias, ás aulas e de todas aquelas aventuras que iremos experimentando cos compañeiros e compañeiras, profes e persoal do cole. E recordade, este blog recolle todas estas historias dende EI ata 2ºEP.
 
Este curso escolar seguimos ofertando os nosos servizos: comedor, transporte e  a Escola de Música Cantarela (dende 2º de EI),
Ademais os nenos e nenas de 1º e 2º de EP poderán participar de actividades coa  Aula de Natureza Trevia e actividades extraescolares tanto deportivas, a Escola de Baloncesto e outras,  como de aprendizaxe de idiomas no Galén English Club, como en anos anteriores.  Enviámosvos as follas de inscrición  coa fin de elaborar os grupos e horarios e iniciarán todas elas o 14 de setembro.

Seguiremos a usar o correo electrónico como vía preferente de comunicación con vós, ademais podedes estar sempre en contacto con nós no teléfono habitual: 982265205 ou no correo electrónico do centro, info@centrogalen.com.

Todas as actividades e a información xerada no Centro recóllense na páxina web: www.centrogalen.com

A partir dela podedes acceder, ademais, a todos os blogs de etapa, galerías fotográficas…

Inicio do curso 2015-16: Martes  8 de setembro 10.00 - 2º e 3º de Ed. Infantil,  Ed. Primaria e 1º e 2º ESO. 10.30 – 1º Ed. Infantil Mércores 9 de setembro 10.30- 3º e 4º ESO e Bacharelato (este día o alumnado terá clase só ata as 14.20)

Despois de toda esta parte organizativa só nos queda recordarvos que......TEMOS MOITAS GANAS DE VERVOS!!! e que estamos a preparar unha chea de sorpresas.

Vémonos moi moi pronto!!!

Este curso xa remata!!!

Ola a todos e todas! A derradeira semana deste curso tivemos moitas e moi diversas actividades novidosas. Para comezar estivemos os Caracois e os Dinosaurios xuntos na mesma aula, xa que os momentos se son compartidos son mooooito mellores... 

Como puidéstedes ver o luns fomos a Santo Anxo de Rábade a pasar o día, pero as emocións non remataron aí. A derradeira semana de cole tiña que ser suuuuperespecial!!!

Así que, o mércores fixemos XOGOS DE AUGA, mirade como exercitamos a noso corpo, calculamos cantidades, traballamos a orientación espacial... 

calculamos velocidades... 

e pasámolo xeeeenial!!!

O xoves foi tamén un dos nosos días máis especiais xa que gozamos da compaña das familias nunha festa con xantar campestre, comida riquísima e animación de tarde.

De menú tivemos: 

-Entrantes: tortilla de pataca, empanada 

-Prato principal: churrasco, chourizo e criollo.

-Sobremesa: sandía.

Rematamos a xornada cun número de circo con malabares, maxia, mimo e....ata lume!!!

E agora chega o momento da......despedida!!! pero non é unha despedida triste nooon

É un ata despois do verán!!!

Este foi un curso   cheo de aprendizaxes, ilusión, descubrimentos, emocións... e a verdade é que gozamos todas e cada unha das cousiñas que fixemos dende as nosas obras de arte até os obradoiros ou clases de música. 

Agardamos que este blog vos axudase a sentirvos un chisco máis partícipes do que acontece no cole e que gozarades de todo o que compartimos con vós e... estade moooi pendentes porque volveremos en setembro, coma sempre, con grandes novidades e moitas moitas gañas e forzas para que sexa un curso aínda mellor (se é que o pode ser...) que este.

Todo o equipo de Educación Infantil e primeiro ciclo de Primaria desexámosvos un moi bo verán e que gocedes da familia neste tempo de lecer. Biquiños mil!!!

Aniversarios Xuño

No mes de xuño celebramos o aniversario de...

E aquí rematan os cumples de infantil neste curso 2014-2015.

Biquiños mil!!!