ROBBY & PATCH AT ANA'S HOUSE!

Boas familias;

Outro ano máis, chega o terceiro trimestre e os nenos e nenas de 1º de infantil levamos con nós para a nosa casa a pasar unha noite aos nosos amiguiños e compañeiros de aula, Robby e Patch. E outro ano máis, a primeira en facer isto é a nosa profe Ana. 

      Este ano marchamos do cole pola tarde ao rematar as clases e fomos ao parque a xogar e a ler un conto sobre os animais de granxa. Despois  fomos lavar o coche de Ana, e mentres ela o lavaba por fóra, nós limpiámoslle as ventás por dentro. Cando rematamos a limpeza, fomos para a casa e fixemos un riquísimo pastel de chocolate e regamos as plantas. Logo, Ana deixounos lendo o conto de Rapunzel mentres ela foi preparar a cea: espaquetis boloñesa, ensalada e máis cenorias e zancos de polo. Todo moi rico!!

       Unha vez ceados e recollida a cociña, marchamos cepillar os dentes e logo para o salón a repousar. E cando xa nos era hora de durmir, marchamos para a cama a descansar, pero non sen primeiro rematar o libro de Rapunzel.

      Á mañá seguinte, antes de ir para o cole, Ana espertounos co almorzo xa listo: froita e o brownie que preparamos o día anterior, que certamente estaba delicioso. Unha vez listos todos, marchamos para Galén. Foi un día memorable!!!

       Agora só estamos desexando ir á vosa casa para xogar, gozar e pasar máis tempo xunto a vós e as vosas familias. Recordade facer fotos para poder compartir o intenso día cos demais neste espazo común!!

       A continuación deixámosvos as fotos desta primeira experiencia do 2014, fotos que esperamos que vos gusten e vos fagan, cando menos, sorrir.

       See you soon!

Visita 24-O M.A.M.A

Ola:

A semana pasada os nenos e nenas de 6º E.P viñeron a facernos unha visita á clase das bolboretas, das arañas e das águias para falarnos do maltrato animal. Eles formaron unha asociación, 24-O M.A.M.A (Movemento Anti Maltrato Animal) e queren convencer a todos os nenos e nenas de Galén do importante que é ter animais cerquiña de nós, de todo o cariño que nos dan, todo o que nos poden axudar e do importante que é tratalos ben.

Tamén nos ensinaron que tiñamos que facer cando atopamos un animal abandonado, e como acercarnos a eles sen que se asusten.

Pasámolo xenial!!!

Gracias por vir e compartir todo esto con nós.

Visita Casa das Ciencias

As nenas e nenos de 2º de Primaria visitamos a casa das Ciencias e o Planetario.

Rosa foi a nosa monitora pola Casa das Ciencias e José polo Planetario. Explicáronnos todas as dúbidas que lles formulamos e participaron  moi activamente con nós para que as aprendizaxes foran significativas e gozosas.

Rosa falounos da rotación do noso planeta, A Terra, e mostrounos como funcionaba o Péndulo de Foucault, tamén comprobamos como a enerxía pode transformarse en forza, e a forza en enerxía e vimos como nacían os poliños dos ovos.
 A David,  gustoulle moito o experimento con cronómetros, e a Mar o da oscilación dun péndulo  dependendo da lonxitude da corda, a nós.  Toooodos!!!… o da pelota, a pompa de xabón, os de deslizamentos, os de xogos de visión, os …. Había tantos!!!

  Logo subimos ao Planetario e alí vimos a proxección da “Nena que sabía camiñar ao revés” Foi fantástica!!! José adicounos un ratiño especial despois da película e amosounos o Planetario tal e como o ven as e os maiores.  Contounos cousas moi interesantes sobre a lúa, as estrelas e os planetas. Falounos das Constelacíóns e debuxounas no teito para aclararnos por que foran denominadas así. Agradecémoslle moito a súa colaboración.

Xa, ao rematar, fomos a xantar coas nosas compañeiras e compañeiros de primeiro e terceiro de primaria ao parque de Santa Margarida.

 Xa vedes día completo, cheíño de emocións e saberes.

Almorzos saudables

As nenas e nenos de 1º e 2º de E.Primaria tivemos un almorzo especial. Enriqueta, unha señora moi presumida, explicounos que alimentos tiñamos que tomar no almorzo para ter enerxía toda a mañá: froita, cereais, lacteos.

O almorzo que nos tiñan preparado estaba moi rico!! Moitas grazas!!

"O noso corpo"

Este trimestre na clase de 2º de Primaria traballamos no proxecto “O noso Corpo”. 

Para axudarnos a investigar viñeron a nai de Antón e Julio, Chelo e Lidia. Elas mostráronos algo do moito que saben acerca do tema. Vimos ósos humanos, e comparamos os seus tamaños e formas. Canto aprendemos e gozamos!! Grazas Lidia, grazas Chelo!! Logo, diseccionamos un corazón e un pulmón e comprobamos o seu funcionamento.

Sabemos xa que a saúde e a hixiene van parellas. Fíxemos un experimento con caixiñas Petri de cultivos.  Un grupo lavou moi ben as máns e otro non. Púxemos os nosos dedos nas placas e ao cabo duns días vemos o que aconteceu. Na caixa “sucia” creceran un montón de bacterias, na outra non. O curioso é que ao cabo doutros pouquiños días na caixa “limpa” tamén empezaron a  medrar unhas pequenas manchiñas. Collemos a lupa electrónica e o microscopio  e…. Sorpresa!!!  Había dous ácaros. Seguimos pois a nosa investigación e aprendemos onde lles gustaba vivir a eses microorganismos,   de onde viña o seu nome,… e un sen fin  de cousas máis.

Elia e Santi, profesora e profesor dos maiores, axudáronnos moito prestándonos material da aula de Bioloxia e explicándonos como se utilizaba. Grazas a eles todo foi máis doado e divertido.

Rematamos o proxecto cun estupendo Almorzo Saudable!!