ROBBY AT MIGUEL'S HOUSE!

      Boas a todos e todas;

Un día fabuloso e primaveral máis, Robby tivo a gran sorte de ir con Miguel, da clase das bolboretas, e a súa familia á súa casa para pasar unha tarde e unha noite especial e diferente.

      Xogaron con Pablo, riron, fixéronse coxellas, contáronse cousiñas e coñecéronse un chisco máis e mellor, e cabe destacar que a nosa mascotiña voltou moi contenta e chea de historias. E logo dun día caluroso e intenso, cearon e marcharon durmir.

    Como non, encántannos as fotos e estamos moi agradecidos de que vivades e compartades esta bonita e especial experiencia con todos nós!

      See you very soon!

Visita de Carmen, mamá Gonzalo: Os volcáns

Ola!!!
A Clase das Águias traemos outra proposta moi interesante para todos e todas: Ao longo do segundo trimestre estivemos investigando sobre os volcáns. Se lembrades veu Santi, o profe dos maiores a falarnos das rochas volcánicas.
 Ao longo da nosa investigación descubrimos as partes do volcán e as súas funcións, as diversas formas que poden ter, os nomes dos volcáns máis coñecidos... a verdade é que non paramos!
E para nós non hai mellor xeito de rematar un proxecto que a visita dun pai ou nai. Desta volta  foi Carmen, a mamá de Gonzalo, a que nos trouxo unha idea abraiante: construir os nosos propios volcáns e ver en primeira fila a maxia dunha erupción volcánica!!!

Comezamos! ..... precisamos os seguintes materiais:

* bandexa de porexpán

* unha botella de plástico pequena (para realizar dentro o experimento)

* papel de aluminio - será o noso cono volcánico, a montaña que se vai formando co magma

* témperas de cor marrón para pintar o cono volcánico (opcional)

rocedemento: pegamos a botella á bandexa de porexpán, para que  non caia, e cando o volcán entre en erupción o magma non caerá na mesa.Logo cubrimos a botella co papel de aluminio xa pintado e enganchámolo na boca da botella para que non se mova.

 

 

 

Moi ben! Xa se achega a hora da verdade...Agora imos metendo na botella:

* Auga - 1/3 da botella

* 2 culleradas de bicarbonato

* 2 culleradas de colorante

* Un chorro de xabrón

* Un chorro abundante de vinagre

E... a remexer!!!

 

Mirade que cariñas...

 

 

 

 

 

Para rematar, despois de tantas emocións, Carmen leunos un conto coa colaboración de Tamara. Este momento serviunos para asentar os coñecementos que fomos adquirindo e para relaxarnos un pouquiño antes da saída, porque tiñamos moitas ganas de contar aos papás e mamás toooodo o que  fixeramos e, como non, amosar os nosos volcáns!

 

A verdade é que este proxecto nos motivou moitísimo ao longo de todo este tempo  e grazas a Carmen puidemos realizar este experimento taaan chulo e emocionante. Non cabe dúbida de que a mellor maneira de aprender é experimentar e... como non! DIVERTIRSE!!!

Animámosvos a todos e todas a realizalo xa que para nós foi unha experiencia inesquencíbel!

Moitas grazas  Carmen!!!

Visita da mamá e do papá de Carlos

Os papás de Carlos, Ana e Julián, viñeron contarnos aos nenos e nenas de 1º EP como se fai un instrumento musical : o pau de choiva.

Necesitamos uns rulos de cartón que estiveran perforados  para poder meter uns escarvadentedes. Despois decorámolos e  pegamos unha tapa de cartón nun extemo. Unha vez feito isto metémoslle arroz e tapamos o outro extremo.

Que bonitos nos quedaron!!

E para probar como soaban... bailamos a danza da chuvia!

E, para rematar, un truco de maxia (Ana é experta neste tema xa o sabemos)!!  Ana fixo desaparecer un vaso, pero o mellor foi que o vaso aparaceu na estantería entre os libros, MAXIA!!!

Moitas grazas a Ana e Julián por facernos pasar unha tarde tan divertida.

Contacontos en Campo Castelo

Olaaa!!!

mañá venres 16 de maio ás 18:00 e dentro das actividades que Galén organiza no "Mes da Cultura", poderedes gozar na compaña de Zampacontoz, da música e os contos na Plaza do Campo Castelo onde temos unha oficina de información do cole.

Animádevos e invitade a amigos, familia, veciños.....Será unha tarde chea de MAXIA!!!

Visita Uxía e Ío

Ola a todos e todas!!!!

Fai uns días tivemos unha visita moi moi especial!.
Uxía e Ío a mamá e irmanciña de Lúa viñeron á clase das Bolboretas para que rematáramos a nosa investigación sobre o corpo.

Estivemos moitos días falando e facendo moitos traballiños sobre nenos, nenas, maiores, e bebés, incluso trouxemos algunha foto de cando nós eramos  bebés moi pequerrechiños.

Cando falabamos sobre os bebes tiñamos moitas dúbidas... así que Uxía axudounos a resolvelas,....

Gozamos moito de este ratiño con Ío, comprobamos que comía só leite que lle daba Uxía da teta, que aínda non sabía gatear, que non tiña dentes, e unha cousa moi curiosa... que os bebes teñen a cabeza máis blanda que a nosa.... e puidemos comprobalo!!!!

  E tamén puidemos axudarlle a cambiar o cueiro de Ío.

Agora todos e todas estamos preparados e preparadas para coidar dun bebé, JEJEJE

Foi unha tarde moi especial e moi divertida, os nenos e nenas da clase das Bolboretas pasámolo xenial e queremos darlle as grazas a Uxía e a Io porcompartila con nós.

Aos demais papás e mamás  esperámosvos en canto poidades e vos apeteza pasar un ratiño con nós. Xa sabedes que podedes facer o que máis vos guste!!!

Mil bicos... A clase das Bolboretas!