Robby's toys!

Hello everyone!

Como sabedes, os nenos e nenas da clase das fadas temos un amiguiño que nolo fai pasar moi ben e que sempre nos fala en inglés. Este amiguiño é Robby Rabbit. Unha mascota e amigo de Ana, a profe de inglés, que vén moitas veces á clase para que ademais de ensinarnos inglés, tamén nos botemos unhas risas e o pasemos en grande.

Durante unhas semanas, Robby veu á clase a presentarnos á súa nai e a compartir con nós os seus xoguetes favoritos cos que puidemos facer moitos xogos divertidos e gozar xogando con eles nós sós, en grupos, con Robby e con Ana. E non só xogamos, alimentamos, coidamos e mimamos a Robby e a súa mamá, tamén lemos e escoitamos contos, pintamos, vimos debuxos animados... bueno, todo iso que tanto nos gusta aos nenos e nenas. Foi xenial!

Aquí vos deixamos unhas fotos que mostran algunhas das cousas que fixemos. Esperamos gocedes véndoas tanto como gozamos nós cando nolas facían. Deica pronto!

Saca a Lingua 2013

Vaia se a sacamos!! E tamén as nosas mellores dotes escénicas. 

Por suposto, contamos cun público entregado e con moitas ganas de aplaudir.

As actrices e actores de 1º E.P representamos, á nosa maneira, "O casamento da pulga e o piollo". 

As nenas e nenos de 2º E.P. contamos o conto titulado "Manu"

Antes de saír á escena estabamos un pouco nerviosas e nerviosos

Amosámosvos un pouco da nosa actuación

Se recordades o obradoiro que demos en chamar o curso pasado como Saca a Lingua é un proxecto internivelar no que participamos os nenos e nenas dende 1º de EI ata 2º de EP e ten como obxectivo aumentar a nosa competencia lingüística en Galego ao tempo que o pasamos moi moi ben pois o enfoque é totalmente lúdico e no que nós somos as verdadeiras protagonistas.

O ano pasado fixemos un programa de radio e para este curso temos pensadas actividades moi variadas que inclúen todas amosalas aos nosos compañeiros e compañeiras tal e como fixemos esta primeira escea...ou quen sabe, quizais haxa sorpresa!!
 Se queredes lembrar o que fixemos no proxecto de Saca a Lingua o curso pasado pinchade aquí.

E seguimos co obradoiro todo o trimestre que queda de curso e ...xa vos iremos amosando!!

APRENDENDO A RELAXARNOS

 A semana pasada as nenas e nenos de 1º E.P. aprendemos a relaxarnos con Verónica,  e tamén coa axuda dun amigo moi agarimoso, para o que tivemos que buscar un nome.

Primeiro tivemos que aprender a respirar profundamente. Para iso servía o noso amigo!...colocado na barriga dicíanos se o estabamos a facer ben. Tiña que subir e baixar ao ritmo da nosa respiración.

Moi, moi  importante estirar todas as partes do corpo, dende os pés ate a cara, dándonos unha aperta a nós mesmas, para estirar tamén os brazos.

Coa aquela música tan suave case nos quedamos durmidos!!

O máis sorprendente foi que cado nos levantamos sentiámonos tranquilas e tranquilos e tamén contentos. E o máis importante que nos ía axudar a traballar concentrados e con serenidade.

Grazas Vero.

Unha pianista e un guitarrista moi especiais

Neste segundo trimestre tivemos unha visita moi especial. Viñeron a visitarnos Ignacio o irmán de Alejandra, da clase das sereas, e Carmen a irmá de Cayetana da clase das fadas.  

Os dous levan moito tempo tocando a guitarra e o piano na Escola de Música Cantarela e quixeron vir a compartir con nós todo o que saben sobre estos instrumentos, que é moito. 

Aprendemos un montón de cousas e descubrimos como é o piano por dentro. Non podiamos imaxinar que dentro da caixa de resonancia puidese haber tantas cousas.

Tamén  viñeron os seus compañeiros e compañeiras Natalia, Tadeo, Aina, Lucía Pinilla e Lucía Penas. Entre todos inventaron un conto que falaba de Pepinillo e Félix, unhas personaxes moi especiais que nos axudaron a descubrir os segredos do piano e a guitarra. Tamén estiveron tocando os seus instrumentos. Tocan moi 

 ben!!!!

   

E logo como non podía ser doutro xeito  deixáronnos probar a nós. 

 

 Foi unha tarde moi chula. Graciñas a todos e todas pola visita.

Visita de Ana en 1º e 3º EI

Si, si, como ledes, tivemos a sorte de contar coa visita de Ana na aula das fadas como mamá de Julián e na clase das sereas como mamá de Carlos. E con ela fixemos unhas estupendas manualidades. MIrade mirade:

 

Na clase das sereas fixemos uns niños de poliño, con poliños e todo.

Primeiro inchamos un globo, botámoslle cola e cubrímolo con cordón. Cando secou pinchamos o globo e "voilá"!!

  

depois fixemos uns poliños do máis riquiños utilizando algodón e unhas palliñas....e o resultado foi xenial!!

 

Na clase das Fadas fixemos un xoguete moi divertido, seguro que todos vos acordades de xogar con el. Ana presentounos todos os materiais: unha boltella de plástico, unha boliña, un fio amarelo,pegatinas,... ¿que sairía de aí?. Amosounos como sería o novo xoguete, incluso probou a meter a boliña na botella e conseguíuno moitas veces....
Despois fumos paso por paso, primero fixemos unha boliña de pasta branca.
o seguinte paso, cortar as botellas, decorar cada neno e cada nena a nosa con pegatinas e meter a nosa
 boliña no fio.
 

E xa estaba listo, pero tivemos que deixar o noso xoguete en repouso porque a boliña ainda non estaba lista para xogar..
Estivemos moi contentos e participativos, moi emocionados da túa visita Ana e seguro que gozaremos moito do noso novo xoguete.

Moitas grazas Ana, esperamos as seguintes colaboracións con moita ansia!!

É un pracer contar coa vosa presenza nas aulas.....seguídevos animando familias!!!!