Humpty Dumpty 2013

Hi everyone!

Durante un tempo as mermaids estivemos a gozar e a aprender con Humpty Dumpty: un ovo que vive feliz ata que un día sentado nun muro cae e rompe e ninguén é capaz de recompoñelo por moito que o intenten. Este popular e desafortunado personaxe, logo de coñecer a súa historia, axudounos a prender algunhas prendas de vestir. Para elo, en primeiro lugar, escoitamos o conto para logo aprender o vocabulario mediante flashcards con xogos varios. Por suposto tamén vimos distintos vídeos da canción que se poden ver en YouTube e fixemos algunhas fichiñas.

Un día Ana tróuxonos unha maleta con roupa dela coa que nos disfrazamos e paseamos varios días. Tamén fixemos xogos variados de identificación e logo colgamos a roupa na aula.

Outro día tivemos un obradoiro onde creamos o noso propio Humpty Dumpty cun ovo cocido, e o muro dende o que cae e rompe a crisma. Fomos listos e cocemos algún de máis para logo comelos, non sobrou nada.

Finalmente, e como repaso, xogamos a recordar as prendas cun xogo de taboleiro xigante onde as fichas eramos nós, e tamén xogamos ao xogo das parellas. Foi superdivertido e pasámolo en grande. Ata sempre Humpty Dumpty!

 

Novidades no blog!!!

Bueno, algunhas das novidades que queremos contarvos saltan á vista verdade??

 Siiii, estreamos nova imaxe e iniciamos ademais unha nova etapa con novos compañeiros e compañeiras de viaxe: os nenos e nenas de 1º e 2º de Educación Primaria!!!

 E é que como  traballamos moito xuntos: obradoiros internivelares, saídas conxuntas, obradoiro de Saca a lingua e moitos proxectos que irán xurdindo,  quixemos tamén ter este espazo en común no que compartir algunhas das cousiñas que vivimos nas aulas e fóra delas.

Ademais coa súa participación tamén vos queremos mostrar a contunuidade que queremos nas dúas etapas xa que rematar a Infantil e inciar a etapa de primaria no cole Galén non supón unha ruptura senón todo o contrario. As nosas profes e todo o equipo educativo traballan día a día para conseguir que os nenos e nenas sigamos sentíndonos seguros, confiados, acollidos e tranquilos cunha liña metodolóxica común e coherente entre as etapas.

 Esta é uha nova etapa con novos retos para este espazo compartido con vós familias e tamén de cara a abrirnos ao exterior na que esperamos seguir contando coa vosa participación.

Grazas por seguirnos!! Esperamos os vosos comentarios!!

Como están ustedeeeessss!!!

Así comezou a nosa espectacular festa de Entroido que este ano adicamos á infancia dos anos 70 e 80 ( a dos nosos papás e mamás).
 O espectáculo, guiado polos rapaces e rapazas de 4º ESO axudounos a coñecer personaxes dos debuxos animados daquela época, artistas e cantantes como Teresa Rabal, La bola de Cristal, Los diminutos etc...
  E nós, inspirados nos Pallasos da Tele, fixemos estes coloridos disfraces para representar coa axuda das rapazas de 4º eso o noso número de circo con Malabares e todo!

 
 E así, ao longo dunha hora de espectáculo gozamos das cancións e bailes infantiles da época da man dos nenos e nenas dende Infantil ata 4º de Eso e....cando pensabamos que xa rematara a festa....

QUE SORPRESA!!!

................ saíron un montón de papás, mamás e profes disfrazados ao escenario!!! Non o podiamos crer!! e ademais tiñan preparadas coreografías de grupos musicais como Parchis, Xuxa ou Enrique e Ana.

Aquí podedes ver unha pequena mostra do estupendo fin de festa co que nos deleitaron.

Grazas famillias e profes por facer de este un Entroido un chisco máis especial!! foi un pracer traballar xuntos!!

Viva o Entroido!

Chegou o Entroido ao cole Galén e trouxo con el moitas actividades ao longo de toda a semana!
Si, si, esta festa é unha das máis esperadas por todos e todas e non só pola festa de disfraces senón tamén porque cada día o adicamos a unha cousiña: facer caretas, cociñar ricas sobremesas propias destas datas, facer disfraces e maquillaxes nas que participamos os nenos e nenas de infantil e primeiro ciclo de primaria.

O luns fixemos caretas e convertémonos en lindas ratiñas e ratiños, coelliños e sperheroes e superheroínas.

 O martes foi superespecial non só porque iamos a maquillarnos senón porque, como todos os anos, contamos coa colaboración de papás e mamás no obradoiro....e foi xenial!! grazas a todas e todos é un gusto poder compartir tempos e espazos con vós.

O mércores cociñamos. En infantil e 2º Ep fixemos rosquillas e en 1º ep atrevémonos coas tradicionais filloas.... e saíron deliciosas!

O xoves adicamos a tarde a rematar algúns disfraces e os nenos e nenas de infantil confeccionamos uns estupendos accesorios: garabatas, lazos e penachos de plumas.

Foi un Entroido moi moi intenso pero.......aínda queda por contarvos o que aconteceu o día da festa final!!! 

Confección disfraz "Os pallasos da tele"

Xa se achega o Entroido e estamos a iniciar o proxecto en torno a esta festa tradicional.

 A festa de disfraces, como cada ano, terá un tema común para todo o cole, dende 1º EI ata 1º Bacharelato. Este ano será a "Infancia dos 70 e 80"....e haberá moitas moitas sorpresas....xa vos iremos contando!

Os nenos e nenas de Infantil representaremos aos "Pallasos da tele" coa colaboración de 4º ESO e este ano iniciamos un novo proxecto de colaboración coas familias na elaboración dos nosos disfraces.
Trátase de que cada un de nós se implique un pouco máis no proceso de elaboración e poida gozar con máis intensidade do resultado final.
E para que vexades que é moi sinxelo, aquí vos deixamos un enlace onde poder seguir paso a paso a elaboración da camisola vermella:

COMO FACER A CAMISOLA VERMELLA

O resto de vestimenta e accesorios para o disfraz farémolo nas aulas coas nosas profes nos talleres que comezaremos a partir da semana que vén.

Se tedes calquera dúbida cosultade coas nosas profes.