Ola a todos e todas, como xa sabedes esta semana estivemos tres días na granxa-escola Garabullos na que vivimos inesquecibles experiencias e, para que vos fagades unha pequena idea do ben que o pasamos, aquí vos deixamos algunhas fotos.
A despedida das nosas familia foi un pouquiño triste para nós, pero unha vez no bus a ilusión fixo acto de presenza e cantando cantando o tempo pasou voando e chegamos á granxa.
Ao chegar repartímonos en tres habitacións: na primeira "Os cabalos": Claudia, María, Dani, Rafa, Julio, Alejandra e Mila. A segunda habitación "Os porcos": Álex, Mauro, Ángel, Alonso, Álvaro, Antón e Ana, e na terceira habitación, "As Vacas" durmiron: Sara, Carla, Adrián, Isaac, Emma, Antonella e Cris.
As actividades que realizamos foron moi diversas. Nos obradoiros de cociña elaboramos pan e galletas, pero o que máis nos gustou foi o momento de degustación!
En Garabullos estivemos rodeados de animais, dende os canciños e gatiños que nos acompañaron en todo momento, ata as cabras, cabalos, burros, patos, ocas, galiñas e coellos aos que demos de comer, limpamos, e mimamos moitísimo. Esta experiencia foi moi gratificante e enriquecedora para todos e todas porque aprendimos como acercarnos a eles, que lles molestaba e que lles gustaba, que comen, como se limpan e en definitiva, a respectalos.
A comida estaba riquíííísima, aquí podedes ver as nosas facianas de deleite!
O entorno privilexiado da granxa permitiunos coñecer e explorar bosques máxicos. Descubrimos que alí vivía o "Trasno Pit" e atopamos dúas das súas moradas (cambia de casa cada semana) e nelas atopamos unha bufanda, un gorro, pegadas, unha chaqueta e até restos de comida!
Gozamos da natureza e de todas as marabillas que nos ofrece, e aprendemos a identificar distintas variedades de flores e plantas autóctonas que recollimos para elaborar ambientadores con material de refugallo.
Vimos o níño dunha cegoña e a súa cría coa axuda dun telescopio portátil.
E como non... tamén xogamos!
Chegou a derradeira noite e quixemos facer unha gran festa para despedirnos. Disfrazámonos, puxemos música e bailamos até moi tarde porque estabamolo pasando taaaaan ben que non nos queriamos deitar!!!
Con tanto axetreo non puidemos evitar caer en brazos de Morfeo... e espertar con moitas forzas ao día seguinte!
Aquí nos tedes, mirade que cariñas de cansanzo e ledicia traemos sabendo que nos estades agardando no cole e que vos imos ver, porque a pesares de pasalo xenial, tamén vos botamos moito moito de menos!
No hay comentarios:
Publicar un comentario
A vosa participación tamén é importante....contade!!