O MAGOSTO

Un ano máis coa chegada do outono, en Galén celebramos a festa do Magosto. Nela ademais das castañas, que é o froito típico destas datas, as nenas e nenos de Educación Infantil, xunto cos demais rapaces do cole, fomos os protagonistas da festa. Nela cantamos unha canción que estivemos ensaiando e que se chama "A pulga e a palla". Seguro que nos escoitástedes cantaruxala durante todo este tempo. Pois onte foi a gran festa na que cantamos a todo o cole. Saíunos xenial. Logo, como non podía ser de outro xeito, comemos castañas. Sacáronnos moitas fotos, estivo a tele ... e ata nos fixeron entrevistas!!!

Deixámosvos aquí unha pequena mostra das fotos, caracterizados como os animais da cantiga: pulga, araña, raposo, grilo e sapo, e podedes ver moitas máis na galería de fotos da páxina do cole.