E tamén cociñamos!

Aos nenas e nenos de 1º E.P.  tocounos cociñar. O noso menú foi vexetariano. 

Primeiro prato

Chulas de cabaciña

Segundo prato

Arroz de verduras

Sobremesa

 Doce de mazá

Despois de escoller o menú preparamos a lista da compra.

E chegamos ao súper! Repartímonos en tres grupos: primeiro prato, segundo e sobremesa. Dentro do grupo cada un tiña unha función: levar os cartos e pagar, levar a cesta da compra e anotar na lista os prezos de cada produto.

Unha vez no cole preparamos a sobremesa e e cortamos as verduras para o arroz.

Por último, servimos aos nosos compañeiros e compañeiras do cole.

Bo proveito!!

ROBBY AT MATEO'S HOUSE!

Ola a todos e todas!

Robby estivo hai uns días na casa de Mateo para compartir con el e a súa familia unha tarde fabulosa e divertida. Entre outras cousas, xogaron, saltaron na cama elástica e despois de moito brincar relaxáronse con Sergio no sofá. Logo aseáronse e cearon e, como non, cepillaron os dentes antes de marchar para a cama. Soa divertido, verdade? Pois botádelle un ollo ás fotos que expresan máis que estas palabras.

       Esperamos que vos gusten tanto como a nós e... grazas por compartilas !

       See you soon!

PATCH AT GABRIELA'S HOUSE!

      Hi everyone!

Hai poucos días, Patch tivo a gran sorte de ir a casa de Gabriela a pasar a tarde e a noite xuntiños. Á volta ao cole, o noso amiguiño contoume toda a cantidade de cousas superdivertidas que fixeron e o ben que o pasaron ese día...tanto que chegada a noite durmiron e descansaron de marabilla. 

      Entre outran cousas, merendaron, xogaron con disfraces, tocaron música, Gabriela presentoulle ao seu irmán pequeniño, leron contos, cearon... vamos, todo o que cabe esperar para unha tarde infantil feliz e completa. 

      Aquí nos quedan as fotos desta fabulosa experiencia, fotos que estamos seguros que vos gustarán e que agradecemos que campartades con todos nós. Moitas grazas!

      See you soon!

Familias no comedor

Ola a todos e todas!!!! 

Aquí vai a segunda volta de papás e mamás que viñeron comer con nós ao comedor antes das vacacións de Semana Santa. Mirade, mirade que ben comimos e que momentos máis especiais vivimos.

Ademais no comedor tamén hai novodades: os nenos e nenas da clase das Bolboretas xa nos sentamos na mesa dos maiores. Con estes  cambios e  moi a gusto nos novas mesas que nos tocaron! Agora si, estamos todos  e todas  mesturados.....

Recordade os papás e mamás que aínda non puidestes vir  que só queda o mes de Maio para vir comer con nós porque en xuño temos moítimas sorpresas preparadas e andamos moi acelerados co final do curso... que rápido pasou verdade??

Animádevos a vir!!!! Esperámovos...

                                       
                                                                                                                          Bicos mil.

Así son eu!

As nenas e nenos de 1º de E.P. rematamos o traballo  sobre o corpo humano. Tentamos coñecernos un pouco máis, para elo pesámonos, medímonos, miramos o número de calzado e tamén o día, o mes e o ano que nacemos

.

Tamén trouxemos das nosas casas material para investigar sobre o esquelete e os músculos.

Ademais do noso corpo, elaboramos unhas tiras de tea que chamamos as "tiras das emocións", que  utilizamos para identificar o estado das nosas emocións e comunicalo ao resto da clase e que saiban como nos sentimos ao longo do día. Case sempre estamos contentas e contentos, pero algunha vez tamén enfadados e tristes.

Para finalizar fomos á Coruña visitar un museo ciéntifico: o Domus.

Iria diseccionounos un ollo. Ao principio dábanos un pouco de grima tocarlle!

Pasámolo xenial!!