Os aniversarios en Infantil

Os aniversarios son un acontecemento moi especial para todos e todas así que acordamos que a partir de agora compartiremos con vós, lectores e lectoras, a celebración no cole  deste día especial no que cada un de nós é o protagonista.  Farémolo con unha entradiña cada mes na que recompilaremos as celebracións dos nenos e nenas que nese mes o celebramos.

Nas aulas de infantil a celebración do cumple facémola traendo unha torta para compartir cos compañeiros e compañeiras da aula. As nosas profes agasállannos cunha coroa feita con materiais de refugallo da aula para enfeitarnos e identificarnos como "cumpleaneiros" e lucímola todo o día nos diferentes momentos e espazos. Na hora do almorzo cantamos, soplamos as candeas e... comemos o doce. É un momento moi  significativo. Nas primeiras celebracións estamos un  pouco nerviosos e cando imos medrando estamos esperando con moita ilusión que chegue o gran día.

Aquí vos deixamos unha mostra dos que cumplimos en setembro: En 1º EI, a "Clase das Bolboretas" 

 


 En 2º EI,  "Clase das Arañas" 

 


En 3º EI, a "Clase das Águias" 

 

 Agardamos que vos gusten as nosas fotos e para o mes que vén... máis celebracións!!

Empeza o cole....empeza Cantarela!

E seguimos coas actividades especiais de inicio de curso. Desta volta tocoulle á Escola de Música Cantarela.

O  martes tivemos a oportunidade de ver un concerto moi especial que os profes da Escola de Música  prepararon para todos os nenos e nenas do cole. Foi o primeiro concerto dos moitos que  imos poder ver durante este  curso no que coñecemos aos profes que ensinarán a tocar a batería, a gaita, o piano, o clarinete, o acordeón... e a guitarra  que non é outra que a nosa mestra de Música e Movemento, Andrea!!

Foi un concerto moi divertido e  xa temos ganas de que chegue o seguinte e sexan os nosos compañeiros e compañeiras maiores os que sexan protagonistas....e  nós tamén nalgún momento seremos grandes estrelas da música..!!

Presentámosvos entón aos profes e músicos cos seus instrumentos:

 Aquí vedes a Tania co acordeón, Oleg co clarinete e Alis co violoncello.

 Antonio o percusionista coa batería e a darbuka e Mus á guitarra eléctrica.

Silvia ao piano, Andrea ( a nosa profe de música e movemento) na guitarra e Yideira co seu baixo (ademais tamén é profe de piano)

 E aquí podedes ver a Hugo que nos trouxo un instrumento que nunca antes viramos: o violín eléctrivo. E David, o noso profe de música, coa gaita (xa sabedes que tamén toca a zanfona, as culleres, as tarrañoalas, a flauta e.....buf unha chea de instrumentos)

E así de atentos estivemos durante o conerto!!

Está a ser, coma sempre, un inicio de curso moi moi intenso aínda que pensandoo ben....cada día no cole Galén é moi intenso e con moitas moitas experiencias xeniais para vivir. Non vos parece??

Novidades tamén no 1º ciclo de EP

Claro que hai novidades!!!!

Os nenos e nenas de 1º de EP iniciamos un novo ciclo, con moitas expectativas e ganas de novas experiencias. Iniciamos novas rutinas, patios, actividades e sentímonos xa nenos e nenas de primaria.

Temos un novo comapñeiro e  compañeira e estamos moi contentos todos e todas.

Os nenos e nenas de 2º de EP convertémonos este curso nos maiores do ciclo, e despedimos dende aquí aos nenos e nenas que este ano inician 3º Ep que poderedes seguir no blog de primaria aquí.

Pois xa vedes, imos medrando e iniciando novas etapas. Este curso seguro que nos esperan unha chea de sorpresas e vivencias que compartiremos a través de este espazo. Esperámosvos aquí no blog!!!

Un novo curso...novas experiencias!!!

Benvidos e benvidas de novo a este espazo común que inauguramos co inicio do novo curso!!!

Queremos  darlle a benvida, como cada ano, ás novas familias que inician xunto aos seus fillos e fillas unha nova etapa na que a escola se integra como parte importante do día a día. E será aquí, a través do blog, onde poderedes ir vendo o que acontece na aula e fóra dela. Gustarianos moito contar coa vosa participación a través dos comentarios que podedes facer debaixo de cada unha das entradas.

Propoñémosvos que cada semana visitedes o blog na compaña dos vosos fillos e fillas e así poidades comentar xuntos as diferentes actividades. É unha boa maneira de falar con eles sobre o cole e unha ferramenta para que vos conten como viven as diferentes experiencias escolares.

Vós podedes ser tamén os "escribintes" do que eles/as queren contar e reflectir nos comentarios. Veña animádevos!!! fagamos deste espazo virtual un lugar de encontro!!!

E para ir abrindo boca aquí vos deixamos algunhas fotos dos primeiros días. estade moi atentos e atentas que iremos mostrándovos imaxes do periodo de adaptación e o incio de novas rutinas como o comedor, a sesta, os momentos de xogo e aulas, etc...

Ola a todos os lectores e lectoras do blog!!!

os nenos e nenas de Infantil e 1º ciclo de Primaria empezamos o cole o pasado luns con algunha que outra novidade (para os máis pequechos eran todas novidades jeje) que fixo que a nosa volta á escola fose se cabe aínda máis emocionante.

Entusiasmounos o reencontro cos compañeiros e compañeiras, coas profes, cociñeiras....e con espazos como o patio e a carballeira con sorpresas como....

Area de praia no areeiro par poder xogar descalzos (mentres o tempo o permita)

 e un estanque na horta onde pouco a pouco irán facendo a súa casa moitos animaliños e prantas (de momento hai unha parella de libeliñas que cando sexamos quen de fotografar vos amosaremos).

Os nenos e nenas de 1º de EI estamos neses primeiros días de adapatación a todo o que para nós é novo. Aquí podedes vernos na aula.

 

Esto foi só un petisco!!! nestes días teredes moitas máis novas e fotos.

Esperamos os cosos comentarios!!!

Fin de curso 2013

Ola a todos e todas!
A estas alturas xa gozastes coas fotos de todo o curso dos vosos nenos e nenas, pero... faltan as da nosa visita a Santo Anxo de Rábade e as da actuación do clown e malabarista Peter Punk coas que rematamos as intervencións no blog por este curso.

A de Santo Anxo foi, coma sempre,  unha saída moi especial pola presenza dos pais e nais que compartistes  con nós un día cheo de grandes descubrimentos, emocións e moitas risas.
Chegamos ben cediño para aproveitar ao máximo o estupendo día que tivemos, repartímonos en dous grupos e fomos explorar todas as marabillas que alí hai. Vimos distintos tipos de ovos, dende os máis xigantes de avestruz até ovos tan pequeniños que nos daba medo rompelos.

Puidemos ver unha gran variedade de animais, dende os máis comúns como vacas, patos, ocas e galiñas até os máis maxestuosos como os pavos reais que nos marabillaron coas cores da súa plumaxe, tanto tanto... que ao rematar a visita nos deron como recordo unha fermosa pluma.
Todos estes animais atópanse nun entorno privilexiado, acorde ás súas necesidades, no que atopamos numerosas árbores que os cobixan do sol e pequenos estanques con auga para refrescarse.

 Despois dunha visita moi animada e chea de sorpresas chegou a hora de comer porque tanto axetreo deunos moita fame... iso sí, xantamos  moi ben e deseguida nos puxemos a xogar porque nos facía moita ilusión compartir este tempo con vós.

   

E chegou o día esperadísimo xa dende hai uns anos por todo o cole.....A churrascada!!!
Este ano tamén nos acompañástes as familias de todos os nenos e nenas do centro. Comemos churrasco, tortilla, empanada, sandía e...os postres coma sempre servíronnos os rapaxes e rapazas de 4º da ESO para recadar fondos para a súa excursión do ano que vén.
E para rematar o gran día  contamos cunha actuación moi divertida, a verdade é que nos fixo rir moitísimo! Foi o clown e malabarista Piter Punk  o que nos fixo, a grandes e pequenos, sacar unhas gragalladas e vivir emocións intensas.

   

 Algúns de nós tivemos a oportunidade de participar na actuación, aquí podedes ver o ben que o fixemos!

   

 A maxia e os malabares estiveron moi ben, pero o que máis nos impresionou foi todo o que se atreveu a facer co lume... 

   

 Un dos momentos máis divertidos foi o final da actuación no que Natalia lle deu un tartazo a Peter Punk... Mirade que cariña se lle quedou!

   

 Coma todos os anos o curso pasou voando, fixemos un montón de actividades e aprendimos moito ao tempo que  divertimos! Despois de tanto traballar toca descansar, que o merecemos moito... Agardamos que pasedes un bo verán e repoñades forzas para o vindeiro curso! 

 Moitos biquiños!!!